स्याङ्जाको वालिङ् स्वरेक सडकखण्डमा बोलेरो जिप दुर्घटना भएको छ । दुर्घटनामा परि जिपमा सवार चालक सहित ९ जना सबै घाइते भएका छन् भने पाँच जना गम्भीर घाइतेलाई पोखरा रिफर गरिएको छ ।
वालिङ्बाट स्वरेक धनपुर जाँदै गरेको ग २ च ७४७९ नम्बरको बोलेरो जिप दिउँसो करिब ३:४० बजे वालिङ् -११ छत्युनस्थित भित्री सडक खण्डमा ब्रेक फेल भएर सडकबाट २० मिटर तल खस्दा दुर्घटना भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।
दुर्घटनामा परेका चारजना सामान्य घाइतेहरुको गर्हौँ प्राथमिक अस्पताल वालिङ्मा उपचार भइरहेको छ भने गम्भीर पाँच घाइतेलाई थप उपचारका लागि गण्डकी मेडिकल कलेज पोखरा रिफर गरिएको डिएसपी रानाले बताए ।
जिपका चालक वालिङ्-११ जुहानखोलाका ४१ वर्षीय ज्ञान प्रसाद पङ्गेनी, वालिङ्-१० की ३२ वर्षीय सुकमाया सुन्धौली, वालिङ्-१० सुकमायाका १३ वर्षीय छोरा सङ्गम सुन्धौली, वालिङ्-११ छत्युन की १९ वर्षीय नम्रता खत्रीको गर्हौँ प्राथमिक अस्पताल वालिङ्मा उपचार भइरहेको डिएसपी रानाले बताए ।
उनले गम्भीर घाइते भएका वालिङ्-११ छत्युनका ७७ वर्षीय रन बहादुर मगर, वालिङ्-११ छत्युनकी ७५ वर्षीय लाटी मगर, भिरकोट-५ स्वरेककी ३० वर्षीय विन्दु खवास, वालिङ्-११ जुहानखोलाकी ३६ वर्षीय हुमकला पङ्गेनी र वालिङ्-११ भकभकाकी १७ वर्षीय करिना खवासलाई प्राथमिक उपचार पछि थप उपचारका लागि गण्डकी मेडिकल कलेज पोखरा रिफर गरिएको बताए ।
This will close in 4 seconds
सम्बन्धित खबर
टिप्पर दुर्घटनामा एकको मृत्यु, चार घाइते
मापसेका कारण ५ महिनामा गण्डकीमा २३ सवारी दुर्घटना, ३ को मृत्यु, ३६ घाइते
मकवानपुरमा स्कार्पियो र कार ठोक्किँदा २ जनाको मृत्यु, १२ घाइते
‘पुष्पा २’को विशेष शोमा भएको भागदौडमा घाइते भएका बालक भेट्न पुगे अल्लु अर्जुन
जङ्गली हात्तीको आक्रमणबाट एक महिलाको मृत्यु
बसले थिच्दा सशस्त्र प्रहरी इन्स्पेक्टरको मृत्यु
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी