पोखरा । त्रिकोणात्मक टी–२० क्रिकेट सिरिज नेपालले पपुवा न्यु गिनी (पीएनजी) सँग ८६ रनको ठूलो हार बेहोरेको छ ।

बुधबार भएको फाइनल खेलमा पीएनजीले दिएको १७२ रनको लक्ष्यमा जवाफी ब्याटिङ गरेको नेपाल १६.३ ओभरमा ८५ रनमा अलआउट भएको हो । मंगलबार भने नेपालले लिग चरणको अन्तिम खेलमा पीएनजीलाई ८५ रनले हराएको थियो ।

नेपालका लागि सन्दीप जोराले सर्वाधिक १७ रन बनाए। आरिफ शेख १५, रोहित पौडेल १२, लोकेश बम ६, गुल्सन झा ६, कुशल भूर्तेल ५, विनोद भण्डारी ४, करण केसी ३, विवेक यादव १ रनमा आउट भए । प्रतिश जिसी डकआउट भए।

पहिले ब्याटिङ गरेको पीएनजीले पूरै ओभर खेलेर ८ विकेटको क्षतिमा १७१ रन बनाएको थियो । पीएनजीका लागि टोनी उराले ३७ बलमा ६१ रन बनाए । सो क्रममा उनले ५ चौका र ४ छक्का प्रहार गरे।

५.२ ओभरमा ४ विकेट लिएर कसिलो बलिङ प्रदर्शन गरेको नेपाललाई त्यसपछि विकेट लिन भने त्यति सहज भएन।

नेपालका लागि कुशल भूर्तेल र आकाश चन्दले ३–३ विकेट लिए। करण केसी र गुल्शन झाले भने १–१ विकेट लिए।