गण्डकी प्रदेश सभा सदस्य सरस्वति गुरुङले अपांगता भएकाहरुको मुद्धालाई प्रदेश सभामा प्राथमिकताका साथ उठाउने प्रतिबद्धता जनाएकी छन् ।

कास्की नेत्रहिन संघको आयोजनामा अपाङ्गता भएका महिलाहरूलाई कानुनी सचेतना, लैङ्गिक समानता, प्रजनन स्वास्थ, प्रविधिमा पहुँच र उनीहरूको सशक्तिकरण सम्बन्धी पोखरामा आयोजित गोष्ठीमा बोल्दै उनले यस्तो वचनवद्धता प्रकट गरेकी हुन् ।

कार्यक्रमका प्रमुख अतिथि गुरुङले आफूले प्रदेश सभामा अपाङ्गताका मुद्दाहरूलाई विशेष रूपमा उठाइरहेको र आगामी दिनहरूमा पनि आफ्नो तर्फबाट अपाङ्गताको क्षेत्रमा सहयोग गर्ने र प्रदेश सरकारसंग जोड्ने माध्यम भन्ने प्रतिबद्धता व्यक्त गरेकी हुन् ।

कार्यक्रममा राष्ट्रिय अपाङ्ग महासंघ अनुशासन आयोगका पूर्व केन्द्रिय सदस्य तथा सहारा आधारभूत् विद्यालयका प्रधानाध्यापक लोचना अधिकारी र अधिवक्ता भुवन पराजुलीले सहजकर्ताको भूमिका निर्वाह गरेका थिए ।

संस्थाका अध्यक्ष श्रीकान्त सापकोटाको अध्यक्षतामा संपन्न कार्यक्रममा ३२ जना अपाङ्गता भएका महिलाहरु सहभागी रहेको सुनिता ज्ञवालीले जानकारी दिइन् ।