नयाँ सत्ता समिकरण प्रभाव

गण्डकीमा समर्थन फिर्ता लिन तयारी अवस्थामा माओवादी, पर्खँदै केन्द्रको निर्देशन

समर्थन फिर्ता नलिँदै मुख्यमन्त्रीले बर्खास्त गर्नुभो: चुमान

गण्डक न्यूज मङ्गलबार, २२ फागुन २०८०

२२ फागुन २०८०

सरकार ढल्ने निश्चित भएपछि मुख्यमन्त्री सुरेन्द्रराज पाण्डेले माओवादी केन्द्रबाट भएका मन्त्रीहरु सामाजिक विकास मन्त्री सुशीला सिम्खडा र भौतिक पूर्वाधार तथा यातायात मन्त्री रेशमबहादुर जुग्जालीलाई बर्खास्त गरिदिए ।

आफ्ना मन्त्री बर्खास्त गरिदिएपछि नेकपा माओवादी केन्द्रले पाण्डे सरकारलाई दिएको समर्थन फिर्ता लिने भएको छ ।

मुख्यमन्त्री पाण्डेले माओवादी केन्द्रका मन्त्रीहरुलाई जानकारी समेत नदिई पदबाट हटाएको खुलको छ ।

माओवादी गण्डकी प्रदेश संसदीय दलका नेता हरिबहादुर चुमानले समर्थन फिर्ता नलिएका बेला जानकारी समेत नदिई मुख्यमन्त्रीले बर्खास्त गरेको बताए ।

अब तत्काल सरकारलाई दिएकाे समर्थन माओवादीले फिर्ता लिने भएको छ । यसका लागि माथिको निर्देशन कुरेर बसेको बताउँदै चुमानले माथिबाट निर्देशन आउनासाथ सरकारलाई दिएको समर्थन फिर्ता लिइहाल्ने बताए ।