म्याग्दीको मालिका गाउँपालिका–२, रूमबाट प्रहरीले चामलको खाली बोरामा चरेश बनाउने फगामको मेसिन, प्याकेट बनाउन प्रयोग हुने गुल र ठूलो परिमाणमा प्याकिङ गर्ने प्लाष्टिकको झोला बरामद गरेको छ ।

गएको फागुन ४ गते म्याग्दीको सदरमुकाम बेनीबजारको कालिपुलबाट रूमका ३४ बर्षिय तिलक बिकलाई ४ केजी ४५ ग्राम चरेशसहित प्रहरीले पक्राउ गरको थियो ।

अनुसन्धानको क्रममा उनले घर नजिकैको सामुदायिक बनमा लुकाइ राखेको अवस्थामा फेला पारिएको प्रहरी निरिक्षक कुमार गुरूङले बताए । गाउँमै चरेस बनाएर सिधै ग्राहक र व्यापारीलाई पुर्याउने गरिएको समेत प्रारम्भिक अनुसन्धानबाट खुलेको छ ।

जिल्ला प्रहरी कार्यालयबाट गएको टोलीसहित इलाका प्रहरी कार्यालयबाट खटिएको टोलीले अभियुक्त विकको घर तथा आसपासका क्षेत्रमा खानतलासी गरेको थियो ।

विकलाई जिल्ला अदालत म्याग्दीबाट १० दिनको म्याद थप गरी अनुसन्धान भइरहेको छ ।

केही वर्ष अगाडिसमेत रुमबाट बुटवलतर्फ लैजाने तयारीमा दरबाङबाट २३ केजी ५० ग्राम चरेशसहित पक्राउ परेका तीन महिलालाई प्रहरीले पक्राउ गरेको थियो ।