काठमाडौं । प्रमुख प्रतिपक्ष दल नेकपा (एमाले)का सांसद सूर्य थापाले ‘रुसी सेनामा गएका नेपालीको सरकारले उद्धार गर्न सक्छ कि सक्दैन ?’ भनी प्रश्न गरेका छन् ।
बिहीबार प्रतिनिधिसभा बैठकको विशेष समयमा उनले रुसी सेनामा गएका आफ्नो निर्वाचन क्षेत्रका एकजनाको मृत्यु र एक बेपत्ता रहेको उल्लेख गरे । उनले ‘सरकारले आफ्ना नागरिकका विषयमा किन जानकारी नराखेको ?’ भन्दै प्रश्न गरे ।
“रुसी सेनाका विषयमा सरकार बेखबर छ । मृत्यु भएकाहरूका विषयमा जानकारी माग्दा सरकारले जानकारी समेत दिन सकेको छैन । मेरो जिल्ला र निर्वाचन क्षेत्र प्युठानको काठेबरका सोमेस सुनार २०८० कात्तिकको पहिलो साता वैदेशिक रोजगारीमा कतारमा कार्यरत रहेकै बेला रुसी सेनामा पुगेका कुरा पछि मात्रै थाहा भयो । दुई महिनापछि उनका घाइते साथीमार्फत युद्धमा मृत्यु भएको थाहा भयो,” थापाले भने, “आज मात्रै स्वर्गद्वारीका लालबहादुर घर्तीमगरको अवस्था दुई महिनादेखि अज्ञात रहेको जानकारी आयो । उहाँ जीवितै हो वा युद्धमा मृत्यु भयो, खोजी गरी जानकारी गराउन कामका निम्ति सरकारको ध्यानाकर्षण गराउँछु ।”
यही फागुन ८ गते सोमेसका पितासहितले परराष्ट्र मन्त्रालयको कानुन शाखा गई निवेदन दिएको भए पनि अझै उनको अवस्थाबारे जानकारी नगराइएको उनले बताए । सरकारले आफ्ना नागरिकको जानकारी दिने जिम्मेवारी पनि निर्वाह नगरेको उनको भनाइ छ ।
“सोमेस र लालबहादुरजस्ता १२ जना बढीले ज्यान गुमाउँदा सरकारले उनीहरूको अवस्था जानकारी गराउन नसकेको लाजमर्दो अवस्था छ । यो देशमा सरकार छ कि छैन ? परराष्ट्र मन्त्रालय छ कि छैन ?,” थापाले प्रश्न गरे ।
नेपालले भारत र बेलायतबाहेक अरू राष्ट्रसँग सैन्य भर्ना गर्ने सहमति नगरेको उनले उल्लेख गरे । उनले परराष्ट्र नीतिअनुरूप काम समेत नभएको बताए । “बेलायत र भारतमा बाहेक सेना भर्ना गर्ने त्रिपक्षीय सम्झौता भएको छैन । सञ्चारमाध्यमबाट फ्रान्स र अमेरिकाको सेनामा पनि भर्ना भएको भन्ने सुनिँदै छ,” उनले भने, “अनाक्रमण, अहस्तक्षेप र असंलग्नताको हाम्रो अन्तर्राष्ट्रिय नीतिका विषयमा सरकार किन बोल्न सक्दैन ? परराष्ट्र किन बोल्दैन ? किन मौन छ ?”
उनले परराष्ट्रमन्त्री एनपी साउदसँग छलफल गर्दा रुसी पक्षले मृत्यु भएकालाई क्षतिपूर्ति दिने अनौपचारिक स्रोतबाट थाहा पाएको बताएको बैठकमा सुनाए । “औपचारिक रूपमा कहिले थाहा हुन्छ ? क्षतिपूर्ति दियो भने सेनामा भर्ना रोक्न सरकारले सक्छ कि सक्दैन ?,” सांसद थापाले प्रश्न गरे ।
सम्बन्धित खबर
आज र भोलि देशैभर भिटामिन र जुकाको औषधि खुवाइँदै
भोलि र पर्सि बालबालिकालाई भिटामिन ‘ए’ र जुकाको औषधि खुवाइँदै
प्रधानमन्त्री दैवी प्रकोप उद्धार कोषमा पौने दुई अर्ब रकम जम्मा
चोभारको आदिनाथ मन्दिरमा एक महिने मेला शुरु
यस वर्षको बडादशैँ सकियो
नेपाल लाइफ इन्स्योरेन्सद्वारा बाढी पीडितलाई राहत हस्तान्तरण
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
दशैंमा तनहुँ ससुराली आएका ज्वाईंको मादीले बगाएर मृत्यु