काठमाडौंको सीतापाइला नजिकै स्वयम्भूमा दुई छोरी र श्रीमतीको हत्या गरेकाे खुलेको छ । हत्यापछि श्रीमान राजु घिमिरे भनिने काजी बिकले आफैले पनि आत्महत्या गरेका छन्।
बुधबार बिहान नागार्जुन नगरपालिका वडा नम्बर ६ स्वयम्भूस्थित एक घरको डेरामा एकै परिवारका तीन जना मृत फेला परेका थिए ।
ओखलढुंगा घर भई डेरामा बसिरहेका ३९ वर्षीया ईश्वरी श्रेष्ठ, उनकी ८ वर्षीया छोरी अनिशा श्रेष्ठ र २ वर्षीया छोरी शिवानी श्रेष्ठ मृत फेला परेका हुन् । उनीहरूमाथि घरेलु हतियार प्रहार भएको पाइएको थियो। दुई तले घरको भुईं तलामा कोठा लिएर बसेका उनीहरुमाथि ह्यामरले हानेको अवस्थामा शव रहेको फेला परेको प्रहरीको भनाई छ।
घटनास्थलमा खटिएका अनुसन्धान अधिकृतका अनुसार ईश्वरीका ३७ वर्षीय श्रीमान राजु आफैंले घटना गरेपछि आफ्ना सालोलाई सम्पर्क गरेका थिए।
बिहान घटना भइसकेपछि सबैलाई मारेँ, अब म पनि मर्छु भनेर सालोलाई फोनमा भनेपछि प्रहरीलाई खबर भएको बुझिन्छ ।
प्रहरीले राजुलाई खोजी गर्दा नागार्जुन नगरपालिका-३ हरिसिद्धी जंगल (ह्वाइट गुम्बाको तल्लो) भेगमा एउटा रूखमा झुण्डिएको अवस्थामा मृत फेला परेका हुन्। यसरी एकै परिवारका चारै जना मर्ने मार्ने घटनाको कारणबारे भने खुलिसकेको छैन।
अन्तर्जातिय विवाह गरेका उनीहरूका छोरी पनि राजु पट्टीका हुन् कि होइनन् भन्नेबारे पनि अनुसन्धान भइरहेको प्रहरीले बताएको छ ।
This will close in 3 seconds
सम्बन्धित खबर
आजको मौसम पूर्वानुमान
असोज १५ सम्म जापानिज इन्सेफ्लाइटिसको जोखिम उच्च
निजामती सेवा दिवसमा पुरस्कृत हुने उत्कृष्ट कर्मचारी यी हुन्
संविधान दिवस, २०८१ विशेष रुपमा मनाइने
पहिरोका कारण अवरुद्ध पृथ्वीराजमार्ग सञ्चालनमा
यी स्थानमा भारी वर्षाको सम्भावना
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग