पोखरा । पुरुष म्याराथनमा विश्व कीर्तिमान बनाएका केन्याका २४ वर्षीय धावक केल्भिन किप्टमको कार दुर्घटनामा निधन भएको छ।
स्थानीय समय अनुसार आइतबार दिउँसो ११ बजे भएको उक्त दुर्घटनामा पश्चिमी केन्यामा प्रशिक्षक रुवाण्डाका गेर्भाइस हाकिजिमानासँगै सडक दुर्घटनामा उनको पनि निधन भएको हो।
किप्टमले २०२३ मा आफ्नै देशका महान धावक एलिउड किप्चोगेको प्रतिद्वन्द्वीको रूपमा उदाउन सफल भएका थिए।
उनले गत अक्टोबरमा शिकागोमा भएको म्याराथनमा दुई घण्टा ३५ सेकेन्डमा २६.१ माइल (४२ किलोमिटर) दुरी पूरा गर्दै किप्चोगेको रेकर्ड तोडेका थिए। यी दुई खेलाडीलाई यस वर्षको अन्त्यमा पेरिस ओलम्पिकका लागि केन्याको टोलीमा समावेश गरिएको थियो।
किप्टमलाई श्रद्धाञ्जली अर्पण गर्दै केन्याका खेलकुदमन्त्री आबाबु नाम्बाम्बाले सामाजिक सञ्जाल एक्समा केन्याले एक विशेष रत्न गुमाएको बताएका छन्।
किप्टमले चलाएको गाडी अनियन्त्रित भएर पल्टिँदा दुबै जनाको निधन भएको प्रहरीले पुष्टि गरेको छ।
कारमा सवार महिला यात्रु शेरोन कोसगेई भने गम्भीर घाइते भएकी छिन् । उनको उपचार भइरहेको बताइएको छ ।
सम्बन्धित खबर
हिसान गण्डकी फुटसलको उपाधि गुरुकुल विद्यासदन र इन्फोम्याटिक्सलाई
जुनियर खुल्ला राष्ट्रिय जुडो प्रतियोगिता– २०८१ फागुन ९ र १० मा हुने
घान्द्रुक किम्चेलाई पराजित गर्दै ठकुरी समाजले जित्यो सिधिङ भलिबलको उपाधि
हिसान फुटसलमा सगरमाथा, कास्की मोडनाइज, गुरुकुल र अरनिको सेमिफाइन प्रबेश
पूर्वेली एफसीलाई भिमप्रसाद स्मृति मुस्ताङ कपको उपाधि
हिसान गण्डकी फुटसल प्रतियोगिता सुरु, कास्की च्याम्पियन गुरुकुलको विजयी सुरुवात
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो