अन्तर्राष्ट्रिय ज्योतिष वास्तु तथा तन्त्र सम्मेलनमा आचार्य प्रज्ज्वल कोइराला सम्मानित भएका छन् ।

ज्योतिष वास्तु तथा तन्त्र खोजकर्ता आचार्य कोइराला माघ २७ र २८ गते काभ्रेको धुलिखेलमा सम्पन्न अन्तर्राष्ट्रिय ज्योतिष वास्तु तथा तन्त्र सम्मेलनमा पशुपति अवार्ड सहित सम्मानित भएका हुन्।

दक्षिण एसियाली ज्योतिष महासंघ केन्द्रीय समिति, धुलिखेल र एस्ट्राे वास्तु एन्ड साइन्सेस हव पटना भारतको संयुक्त आयोजनामा उक्त सम्मेलन भएको थियो। कोइराला दक्षिण एसियाली ज्योतिष महासंघ, अन्तर्राष्ट्रिय समितिका केन्द्रीय पदाधिकारी पनि हुन् ।

प्रतिनिधिसभाका सभामुख देवराज घिमिरेले उद्घाटन गरेको सम्मेलनमा ज्योतिष, वास्तु तथा तन्त्रका विषयमा छलफल भएको थियो।

कार्यक्रममा विभिन्न देशबाट सहभागी ज्योतिषले आ–आफ्नो कार्यपत्र प्रस्तुत गरेका थिए। सम्मेलनमा राष्ट्रिय तथा अन्तर्राष्ट्रियस्तरका विशिष्ट व्यक्तिलाई समेत सम्मान गरिएको थियो।