पोखरा । नेकपा एकीकृत समाजवादीका सम्मानित नेता एवं पूर्वप्रधानमन्त्री झलनाथ खनालले वर्तमान सत्ता गठबन्धन मौसमी भएको टिप्पणी गरेका छन् ।
उनले पोखरामा समाजवादी प्रेस संगठन कास्कीले आयोजना गरेको पत्रकार भेटघाटमा गठबन्धन आवश्यकता अनुसार बन्ने जनाउँदै यसैमा सधैं भर पर्न नसकिने जनाएका हुन् ।
उनले परिस्थिति बदलिएसँगै गठबन्धन पनि परिवर्तन हुन सक्ने संकेत गरे । ‘यो गठबन्धन मौसमी गठबन्धन हो । यसले केही निकास दिन सक्दैन । यो मौसम परिवर्तन भएसँगै नयाँ गठबन्धन पनि सकिन्छ,’ उनले भने ।
उनले पुष्पकमल दाहाल प्रचण्ड नेतृत्वको सरकारले उल्लेख्य काम गर्न नसकेको टिप्पणी गर्दै उनले अब कोर्ष बदल्नुपर्ने तर्क गरे । ‘मेरो प्रचण्ड कमरेडलाई सुझाव छ । तपाई कोर्ष करेक्सन गर्दै काम गर्नुहोस्,’ उनले भने ।
संघीय लोकतान्त्रिक गणतन्त्र स्थापना भएको १८ वर्षमा पनि जनअपेक्षा अनुरुप काम नहुँदा आक्रोश बढेको उनको ठम्याइ छ । उनले संसद विघटनलाई नेपाली राजनीतिको महाभूकम्पको रूपमा चित्रण गरे । त्यही राजनीतिको परकम्पले अहिले पनि परिस्थिति सही दिशामा गइनसकेको उनको भनाइ छ ।
सरकारले संविधान अनुरूप काम गर्न नसक्दा पुरातनपन्थी शक्ति सल्बलाउन थालेको उनले उल्लेख गरे । उनले अहिलेको नेपालमा रहेको पुँजीवाद दलाल पुँजीवाद भएको तर्क गर्दै नेता खनालले यसले समस्याहरुको समाधान नदिने जनाए । एकीकृत समाजवादीको अबको महाधिवेशनले देशको वर्तमान अवस्था बदल्ने नीति लिने र देशले निकाश पाउने उनको भनाइ छ ।
This will close in 3 seconds
सम्बन्धित खबर
एमाले सत्ता पक्ष बनेपछि गण्डकी प्रदेशसभा अधिवेशन २६ गतेबाट
एमालेको लक्ष्य : ०८४ मा एकल बहुमतको सरकार
हतियार तस्करी आरोप लागेपछि बोले योगेश, समिति बनाएर छानविन गरी प्रमाणित गर्न दिए चुनौति
उद्योग तथा पर्यटन मन्त्री बस्यालको पहिलो निर्णयः गण्डकी प्रदेशमा पर्यटन नीति तर्जुमा कार्य सुरू
कृषिमन्त्री जिसीको पहिलो निर्णय: पशुको आकस्मिक मृत्यु भए तत्काल क्षती वापतको रकम दिने
मन्त्री केसीको पहिलो निर्णयः गण्डकीका यातायात कार्यालयमा हेल्प डेस्क राख्ने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग