काठमाडौं । नेकपा एकीकृत समाजवादीका सम्मानित नेता झलनाथ खनालले १० सीटमात्र भएको पार्टीले प्रधानमन्त्री दाबी गर्दा पार्टी र अध्यक्ष माधव नेपालको छवि थप बिग्रने टिप्पणी गरेका छन् । खनालले माधव नेपाल प्रधानमन्त्री बन्नेमा आफ्नो आपत्ति नरहे पनि त्यसले स्वयं नेपालको छवि थप ‘ड्यामेज’ हुने बताएका छन् ।
पत्रकार ऋषि धमलाको जनता जान्न चाहन्छन् कार्यक्रममा आलोपालो प्रधानमन्त्रीको बारे सोधिएको प्रश्नमा खनालले ३२ सीट भएको माओवादी पार्टीका अध्यक्षले खिचडी सरकार चलाउन नसकेको अवस्थामा १० सीट भएको पार्टीले कसरी चलाउने ? भन्ने प्रश्न गरे ।
पूर्व प्रधानमन्त्री खनालले माधव नेपाल आलोपालो प्रधानमन्त्री बन्नेबारेमा अहिलेसम्म गठबन्धनको बैठक र पार्टीमा समेत कुनै जानकारी नभएको बताए । यो हल्लै हल्लाको देश हो भन्दै खनालले माधव नेपाल प्रधानमन्त्री बन्ने कुरा पनि अहिलेसम्म हल्लामात्र भएको दाबी गरे ।
खनाल भन्छन्ः
‘अहिलेकै प्रधानमन्त्रीले राम्ररी काम गर्न सक्नु भएको छैन । उहाँले आफ्नो पपुलारिटी बढाउन सक्नुभएको छैन । देशका समस्या राम्ररी सम्बोधन गर्न सक्नुभएको छैन, उहाँ आफैं सन्तुष्ट हुनुहुन्न । देश र जनताको पक्षमा काम गर्न नसिकएकोमा उहाँलाई राम्रोसँग निद्रा पनि पक्कै लागेको छैन । यो अवस्थामा, हाम्रो पार्टीको अध्यक्ष प्रधामनन्त्री बन्नुहोला । उहाँ बन्ने कुरामा मलाई केही आपत्ति छैन ।
तर बन्नु भयो गर्न के सक्नुहुन्छ ? यो यो खिचडीको पनि खिचडी, ३२ वटा सिट भएको पार्टीले खिचडी सरकार चलाउँदा यो हालत छ, अब दशवटा सीट भएको पार्टीले खिचडी सरकार चलाउँदा के हालत होला ? मलाई त्यसमा चाहिँ चिन्ता छ । त्यसो गरेर हाम्रो अध्यक्षको इमेज अझै बढ्ता ड्यामेज हुने हो कि ? उहाँको ड्यामेज हुँदा हाम्रो सिंगै पार्टीको इमेज ड्यामेज हुने हो कि ? त्योपट्टि मलाई चिन्ता छ ।
उहाँ बन्ने कुरामा आपत्ति छैन । कुनै व्यक्तिलाई कुर्सीमा लगेर राख्ने मैले चाहने कि नचाहने भन्ने मुख्य कुरा होइन । यो देशलाई सही दिशामा लैजाने पो मुख्य कुरा हो । प्रचण्डपछि माधव शेरवहादुर के भएको होला,मलाई थाहा छैन । गठबन्धनको कुन बैठकमा त्यो सहमति भएको हो ? त्यो कुरा म जान्दिन र मलाई कसैले सुनाएको पनि छैन । भूमि शेरचनले भनेका छन् कि यो हल्लै हल्लाको देश हो ।’
This will close in 3 seconds
सम्बन्धित खबर
एमाले सत्ता पक्ष बनेपछि गण्डकी प्रदेशसभा अधिवेशन २६ गतेबाट
एमालेको लक्ष्य : ०८४ मा एकल बहुमतको सरकार
हतियार तस्करी आरोप लागेपछि बोले योगेश, समिति बनाएर छानविन गरी प्रमाणित गर्न दिए चुनौति
उद्योग तथा पर्यटन मन्त्री बस्यालको पहिलो निर्णयः गण्डकी प्रदेशमा पर्यटन नीति तर्जुमा कार्य सुरू
कृषिमन्त्री जिसीको पहिलो निर्णय: पशुको आकस्मिक मृत्यु भए तत्काल क्षती वापतको रकम दिने
मन्त्री केसीको पहिलो निर्णयः गण्डकीका यातायात कार्यालयमा हेल्प डेस्क राख्ने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग