सद्गुरुद्वारा डिजाइन गरिएको ईनर इञ्जिनियरिङ कार्यक्रम नेपालको दुई स्थानमा हुँदैछ ।

काठमाण्डौमा फागुन १ गतेदेखि ७ गतेसम्म होटल अन्नपूर्ण, दरबारमार्गमा हुने साताव्यापी कार्यक्रम पोखरामा फागुन ८ देखि १४ गतेसम्म हुनेछ ।

आयोजक ईशा फाउण्डेशनले भनेको छः – ‘हामी फेब्रुअरी महिनामा नेपालमा दुईवटा ईनर इञ्जिनियरिङ कार्यक्रमहरू काठमाडौं र पोखरामा घोषणा गर्न पाउँदा उत्साहित छौं।’

अगाडि भनेको छः ‘सद्गुरुद्वारा डिजाइन गरिएको, इनर इन्जिनियरिङ एक परिवर्तनकारी कार्यक्रम हो र जसमा सद्गुरुद्वारा निर्देशित सरल योग अभ्यासहरू, सत्रहरू र ध्यान प्रक्रियाहरू तथा शाम्भवी महामुद्रा क्रिया, एक शक्तिशाली २१–मिनेट योगिक प्रक्रियाको प्रसारण समावेश छ । यस कार्यक्रमले तपाईलाई स्वास्थ्य, आनन्द र उत्साहको जग निर्माण गर्न र आनन्दको रसायन स्थापना गर्न मद्दत गर्दछ।’

कार्यक्रम पोखराको मार्फा थकाली समाज, शितलादेवीमा हुनेछ । आयोजकका अनुसार हरेक दिन बिहान ६ बजेदेखि ९ बजे वा साँझ ५ बजेदेखि ८ बजेसम्म दुई सत्र राखिएको छ । आफूलाई अनुकूल समय छनौट गरी सहभागी हुन सकिनेछ ।

शनिबारको दिन फागुन १२ गते भने बिहान ६ बजेदेखि साँझ ५ बजेसम्म सेशन चल्नेछ । काठमाण्डौमा अंग्रेजी भाषामा हुने र पोखरामा हिन्दी भाषामा कार्यक्रम सञ्चालन हुने आयोजकले जनाएको छ ।

कार्यक्रममा सहभागिताका लागि नाम दर्ता गर्न आयोजकले आग्रह गरेको छ ।

लिन्कः https://isha.co/IE-Pokhara