पोखरा ८ नागढुंगा स्थित न्यू मोडल मावि ४३ औं वार्षिकोत्सव तथा अभिभाव दिवसको तयारीमा जुटेको छ ।

यही माघ २७ गते विद्यालय प्रांगणमा विविध कार्यक्रम गरी वार्षिकोत्सव मनाइने विद्यालयका सहप्राचार्य पदम बस्ताकोटीले जानकारी दिए ।

वार्षिकोत्सव व्यवस्थित तबरले सम्पन्न गर्नका लागि विविध कार्यक्रम तय गरेका छौँ सहप्राचार्य बस्ताकोटीले भने कार्यक्रममा विगतका वर्षको शैक्षिक तथा अतिरिक्त क्रियाकलापको पुरस्कार वितरण तथा सांस्कृतिक कार्यक्रमसमेत गरिनेछ ।

यस्तै, वार्षिकोत्सवमा एसईई र १२ कक्षा उत्तीर्ण विद्यार्थीलाई पनि सम्मान गरिने उनले जनाए । साथै, विभिन्न विधाहरुमा उत्कृष्टता हासिल गरेका विद्यार्थीहरुलाई सम्मान पनि गरिनेछ ।

वार्षिकोत्सवलाई सफल बनाउनका लागि विभिन्न उपसमिति गठन गरेको बस्ताकोटीको भनाई छ । वार्षिकोत्सवकै अवसर पारी विद्यालयका विद्यार्थीबीच विभिन्न खेलकुद प्रतियोगिता पनि सुरु भइसकेको छ ।