स्याङ्जा । सहिद दिवसको अवसर पारेर पहिलो पाइला नेपाल स्याङ्जा शाखाले दीप प्रज्वलन गरेको छ ।
स्याङ्जाको पुतलीबजार नगरपालिका -१ सहिद चोकमा देश परिवर्तनका लागि प्राण आहुती दिएका सहिदहरुलाई सम्झँदै सम्मानका साथ पहिलो पाइला नेपाल स्याङ्जा शाखाद्वारा दीप प्रज्वलन कार्यक्रम सम्पन्न गरिएको हो ।
राणा शासन विरुद्ध क्रान्ति गरेकोमा शहिदहरु शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठलाई मृत्युदण्ड दिइएको थियो । हरेक वर्षको माघ १६ गते सहिदहरुको सम्मानमा सहिद दिवस मनाइने गरिन्छ ।
उक्त कार्यक्रममा प्रजातन्त्र स्थापनाका लागि रगतको बलिदान दिएका सहिदहरुको सम्झनामा एक मिनेटको मौन धारण गरिएको शाखाका उपाध्यक्ष पवन मरासिनीले बताए । उनले सहिदहरुले जुन सपना बोकेर आफ्नो प्राणको आहुती दिएका थिए, ती सपनाहरू सबै मिलेर सफल पार्नुपर्ने बताए ।
पहिलो पाइला नेपाल स्याङ्जा शाखाका सभापति सन्ध्या लामिछानेको अध्यक्षतामा सम्पन्न भएको उक्त कार्यक्रमको संचालन शाखाका सह-सचिव गोपी सुवेदीले गरेका थिए ।
स्याङ्जामा निस्वार्थ भावनाले सामाजिक सेवामा अग्रणी रहेको पहिलो पाइला नेपाल स्याङ्जा शाखाले शैक्षिक सामाग्री वितरण, सरसफाइका कार्यक्रम, विषम परिस्थितिमा फुड बैंकको स्थापना, न्यानो कपडा तथा विद्यार्थीहरुलाई भविष्य बोक्ने झोला वितरण लगायत सामाजिक कार्यक्रम गर्दै आएको छ ।
सम्बन्धित खबर
सामूहिक आलुखेतीमा जुट्दै स्याङ्जाका किसान
सरकारी अस्पतालको लापरबाही, जाँच गर्न आएका बिरामीलाई म्याद गुज्रिएका औषधि
पर्यटनमन्त्री पाण्डेद्वारा सातौं स्याङ्जा महोत्सवको उद्घाटन
अर्जुनचौपारीमा निर्मित नवग्रह मन्दिरको पर्यटनमन्त्रीद्वारा उद्घाटन
नवग्रह मन्दिर प्राण प्रतिष्ठा तथा अनुष्ठानको तयारी पूरा, पर्यटनमन्त्री पाण्डे आउने
सातौं स्याङ्जा महोत्सवको तयारी पूरा: पर्यटनमन्त्री पाण्डेले उद्घाटन गर्ने
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो