स्याङ्जाको अर्जुनचौपारी गाउँपालिका स्थित घट्टेखोलामा मोटरेबल पुलको शिलान्यास भएको छ ।
देशकै पहिलो पर्यटकीय ग्रामीण गाउँ सिरुवारी छोटो दुरीमा रहेतापनी उक्त खोलामा पुल नहुँदा अर्जुनचौपारीबाट जानुपर्दा जोखिमपूर्ण र लामो यात्रा गर्नुपर्ने बाध्यता पुलको शिलान्याससङ्गै पुल बन्ने भएपछी हट्ने भएको हो ।
दुई पालिका अर्जुनचौपारी र आँधीखोला हुँदै पर्वत जिल्ला जोड्ने उक्त खोलामा संघीय सांसद राजु थापा र अर्जुनचौपारी गाउँपालिकाका प्रमुख प्रकाश तिवारीले शुक्रबार संयुक्त रुपमा मोटरेबल पुलको शिलान्यास गरेका हुन् ।
उक्त शिलान्यास कार्यक्रममा सांसद थापाले विकास हुन समय लाग्ने एकैपटक नहुने बताउँदै पालिकाको विकास निर्माणमा युवाहरुको सक्रियता अपरिहार्य रहेकोमा सबैलाई साथ र सहयोग गर्न आग्रह गरे ।
संघीय सरकारको ५० लाख र बाँकी पालिकाको बजेटमा साँढे १० मिटर लम्बाई र साँढे ५ मिटर चौडाइ कायम हुने गरि मोटरेबल पुल निर्माण गर्न लागेको पालिकाका सब-इन्जिनियर सन्दिप बोगटीले जानकारी दिए ।
शिलान्याससङै बन्न लागेको मोटरेबल पुल अँगेरे भँगेरे निर्माण सेवा कम्पनीले टेन्डर रकममा २७ प्रतिशत छाडेर एक करोड १६ लाख ५४ हजार ६९ रुपियाँ ४५ पैसामा एक वर्ष भित्रमा निर्माण सम्पन्न गर्ने गरि गत पौष १२ गते सम्झौता गरेको थियो ।
यहि खोलामा पुल नहुँदा चार वर्ष पहिला पुल शिलान्यासमा आएका तत्कालीन भौतिक पुर्वाधार मन्त्री रघुवीर महासेठको गाडी बगाएको थियो ।
सम्बन्धित खबर
सामूहिक आलुखेतीमा जुट्दै स्याङ्जाका किसान
सरकारी अस्पतालको लापरबाही, जाँच गर्न आएका बिरामीलाई म्याद गुज्रिएका औषधि
पर्यटनमन्त्री पाण्डेद्वारा सातौं स्याङ्जा महोत्सवको उद्घाटन
अर्जुनचौपारीमा निर्मित नवग्रह मन्दिरको पर्यटनमन्त्रीद्वारा उद्घाटन
नवग्रह मन्दिर प्राण प्रतिष्ठा तथा अनुष्ठानको तयारी पूरा, पर्यटनमन्त्री पाण्डे आउने
सातौं स्याङ्जा महोत्सवको तयारी पूरा: पर्यटनमन्त्री पाण्डेले उद्घाटन गर्ने
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
शानदार मःम पसलमा ग्यास विस्फोटः थप एकजनाको मृत्यु, मृतकको संख्या ४ पुग्यो