आहा ! रारा गोल्डकप:

जावालखेल क्वार्टरफाइनलमा प्रवेश, मछिन्द्र १–० गोलले पराजित

हिसुबको निर्णायक गोल

गण्डक न्यूज बिहिबार, ११ माघ २०८०

गण्डक न्यूज

११ माघ २०८०

जावालखेल युथ क्लब पोखरामा जारी आहा रारा गोल्डकप फुटबल प्रतियोगिताको क्वार्टरफाइनलमा प्रवेश गरेको छ।

बिहीबार पोखरा रगंशालामा भएको खेलमा मछिन्द्र फुटबल क्लबलाई १–० गोलअन्तरले पराजित गर्दै अन्तिम आठमा स्थान पक्का गरेको हो।

जावलाखेलले अब सेमिफाइनल प्रवेशका लागि १५ गते मनाङमस्र्याङदी क्लबको सामना गर्नेछ।

जावलाखेलको जितमा हिसुब थपलियाले गरेको गोल नै निर्णायक बन्यो। खेलको ३९ औं मिनेटमा हिसुबको गोलमा जावालखेलले अग्रता बनाएको थियो। त्यसपछि खेलमा थप गोल हुन नसक्दा मछिन्द्र पहिलो खेलबाट नै फर्कनपर्यो।

प्रतियोगितामा शुक्रबार नेपाल पुलिस क्लब र एपीएफ क्लब भिड्नेछन्। सो खेल दिउँसो साढे २ बजे सुरु हुनेछ। शुक्रबारको खेलसँगै क्वार्टरफाइनल समीकरण पूरा हुनेछ।