पोखरा। नेपाल टेलिकमको केवल तारहरू चोरी गर्ने दुई जनालाई कास्की प्रहरीले पक्राउ गरेको छ।
पोखरा महानगरपालिकाका विभिन्न स्थानमा रहेका बिजुलीका पोलहरुमा बाँधिएका टेलिकमका कपर केवल तारहरू चोरी गरेको आरोपमा प्रहरीले दुई जनालाई पक्राउ गरेको हो।
पक्राउ पर्नेहरूमा पोखरा – २५ हेमजा बस्ने ५८ वर्षको लाल बहादुर नेपाली र भारत मोतिहारी बिहार स्थायी घर भइ हाल हेमजा बस्दै आएका वर्ष ३९ का श्यामनाथ जैसवाल छन्।
कास्कीका प्रहरी नायव उपरीक्षक तथा प्रहरी प्रवक्ता श्रवण कुमार विकका अनुसार टेलिकमका केवल तारहरू चोरी भइरहेको भन्ने सूचनाका आधारमा जिल्ला प्रहरी तथा वडा प्रहरी कार्यालय वगरबाट खटिएको प्रहरीको टोलीले खोजतलास गर्दै जाने क्रममा बुधबार राति ८ बजेको समयमा पोखरा -१९ लामाचौर स्थित गोस्ते जाने सडक खण्डबाट पक्राउ गरेको हो।
ग २ च ५३६ नम्बरको सुजुकी मारुती कारलाई शंकास्पद अवस्थामा देखेपछि चेकजाँच गर्ने क्रममा उक्त कारको पछाडीको सिट तथा डिक्कीमा टुक्रा-टुक्रा गरी रोलिङ गरेको अवस्थामा ३३१ मिटर केवल तार सहित उनीहरूलाई पक्राउ गरेको हो।
उनीहरू विरुद्ध जिल्ला अदालत कास्कीबाट चोरी तथा डाँका सम्बन्धी मुद्दामा ८ दिनको म्याद थप गरी अनुसन्धान प्रकृया अगाडी बढाईएको प्रवक्ता विकले जानकारी दिए।
This will close in 4 seconds
सम्बन्धित खबर
प्रेम सम्बन्ध बिग्रिएपछि युवतीको तस्वीर दुरूपयोग गरी चरित्र हत्या गर्ने युवक पक्राउ
रुपन्देहीमा कुटपिटबाट एक भारतीय मजदुरको मृत्यु
आशिका तामाङलाई पाँच दिन हिरासतमा राख्न अनुमति
रविको विपक्षमा बहस गर्ने अधिवक्ता दिनेश त्रिपाठीमाथि अदालतमै हातपात
रास्वपा सभापति रवि लामिछानेलाई साधारण तारेखमा छाड्न उनी पक्षीय वकिलले माग
थुनछेक बहसका लागि रवि लामिछानेलाई अदालत उपस्थित गराइयो
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी