पोखरा। नेपाली काँग्रेस कास्कीको एक टोली भुकम्प प्रभावित क्षेत्रतर्फ मंगलबार प्रस्थान गरेको छ ।

नेपाली काँग्रेस कास्कीका सभापति किशोरदत्त बरालको नेतृत्वमा पार्टी सचिव देवेन्द्र रानाभाट, सहसचिव नविन सिग्देल र जिल्ला सदस्य बाबुराम गिरीको टोली नगद रकम र लत्ताकपडा सहित जाजरकोट प्रस्थान गरेको हो ।

कास्की काँग्रेसका कार्यकर्ता र शुभेच्छेकहरुबाट संकलित ८ लाख दुई हजार ८ सय ८२ रुपैया नगद र ५७ हजारको बराबरको लत्ताकपडा लिएर त्यस तर्फ प्रस्थान गरेका हुन् ।

उक्त रकम जिल्ला विपत् व्यवस्थापन समितिका अध्यक्षसमेत रहेका जाजरकोट प्रमुख जिल्ला अधिकारीलाई हस्तान्तरण गर्ने कार्यक्रम छ ।

टोली बुधवार जाजरकोट पुग्ने र राहत रकम तथा लत्ताकपडा प्रमुख जिल्ला अधिकारीलाई हस्तान्तरण गरिनेछ ।

गत कात्तिक १७ गते राति ११ बजेर ४७ मिनेट जाँदा जाजरकोट केन्द्रविन्दु बनाएर ६ दशमलव ४ म्याग्निट्युडको भुकम्प जाँदा ठूलो जनधनको क्षति भएकाे थियो ।