पोखरेली टेनिस खेलाडीहरु टेनिस टुर गर्दै चितवनमा

पोखरेली टेनिस खेलाडीहरु टेनिस टुर गर्दै चितवनमा

DSC00997

पोखरा । टेनिस टुरका लागि चितवन आइपुगेका पोखरेली टेनिस खेलाडीको एउटा समुले चितवनमा मैत्रीपूर्ण टेनिस खेलेका छन् । उनीहरु चितवनस्थित प्रिमियर टेनिस एकेडेमीमा सिंगल्स तथा डबल्सका प्रतिस्पर्धाका लागि कोर्टमा उत्रिए । नौं सदस्यि टेनिस टोलीमा खेलाडीहरु गोपीबहादुर भट्टराई, सूर्यबहादुर भुजेल, धरम बहादुर लामिछाने, राज गुरुङ्ग, भिष्मराज पौडेल, विश्वराज पौडेल, बिरेन्द्र लामा, लक्ष्मण लामा, विनय थापा, देव श्रेष्ठ रहेका छन् ।

चितवनको भरतपुरस्थित उक्त टेनिस एकेडेमी खैरहनी नगरपालिका–१३, गवइक कुमार जंग क्षेत्रीले सञ्चालन गरेका हुन् । साढे दश कठ्ठा जग्गा भाडामा लिएर उनले चार कठ्का क्षेत्रफलमा दुई वटा कोर्ट निर्माण गरेका छन् । छिट्टै अरु दुई वटा टेनिस कोर्ट निर्माणको चरणलमा रहेको क्षेत्रीले बताए । १३ वर्षदेखि टेनिस खेल्दै आएका उनले काठमाण्डौमा सिटिजन कपका दुई र पोखरामा माछापुच्छ«े कपको एक संस्करणमा भाग लिएका छन् ।

चितवनमा टेनिस खेलको विकास र विस्तार गर्दै उत्पादित खेलाडीहरुलाई राष्ट्रिय तथा अन्र्तराष्ट्रिय प्रतियोगिताहरुमा सहभागिता गराउने उनको लक्ष्य छ । मोफसलमा रहेर टेनिस खेलको विकासमा लागेकाहरुको हौसलाका लागि आफुहरु चितवन आएको खेलाडी गोपीबहादुर भट्टराईले बताए । टेनिस खेल्नका लागि बाहिरी शहरहरुमा जाने संस्कृतीको विकास गर्न सकिए यसले मोफलसमा खेल पर्यटन विकास मद्धत पुग्ने पोखरा पर्यटन परिषद्का पूर्वाध्यक्ष समेत रहेका भट्टराईको भनाई छ ।

निजि खर्चमा चितवनमै पहिलो टेनिस कोर्ट निर्माण गरेका खेल विकासमा लागेका कुमार जस्ता प्रतिभालाई सरकारी स्तरबाट पनि सहयोगको खाँचो रहने अर्का खेलाडी सूर्यबहादुर भुजेलको भनाई छ । टोलिलाई कास्की जिल्ला टेनिस संघका अध्यक्ष लोक गुरुङ्गले एक समारोहका विच पोखराबाट आइतबार विहान बिदाई गरेका थिए ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ