कास्कीमा देउसी भैलो राति ९ बजेसम्म मात्रै खेल्न पाइने

पटका, आतसबाजी बेच्न, पड्काउन बन्देज

गण्डक न्यूज शुक्रबार, २४ कार्तिक २०८०

२४ कार्तिक २०८०

पोखरा । कास्की जिल्लामा देउसी भैलो कार्यक्रम राति ९ बजेसम्म मात्रै खेल्न पाइने भएको छ ।

जिल्ला प्रहरी कार्यालय कास्कीले जिल्लाभर तिहारको अवसरमा सञ्चालन हुने देउसी भैलोलाई मर्यादित, अनुशासित बनाउन आग्रह गर्दै यस्तो सूचना जारी गरेको हो ।

सूचनामा उल्लेख छ, ‘कास्कीभर सञ्चालन गरिने देउसी भैलो कार्यक्रमलाई मर्यादित, अनुशासित एवम् सवारी साधन आवागमनमा अवरोध नहुने गरी रातिको ९ बजेसम्म मात्रै सञ्चालन गर्न अनुरोध छ ।’

साथै, प्रहरीले शुभ दिपावली, तिहार एवं छठ पर्वमा विभिन्न किसिमका पटका, आतसवाजी, लगायत विष्फोटक पदार्थजन्य सामाग्रीको ओसारपसार, बेचविखन तथा नगर्न नगराउनुहुन अनुरोध गरेको छ ।