चिनियाँ सेनाको जहाज अहिले पोखरा ओर्लँदै

गण्डक न्यूज बुधबार, २२ कार्तिक २०८०

२२ कार्तिक २०८०

जाजरकोट र रुकुम पश्चिमका भूकम्पपीडित नेपाली जनताको निम्ति राहत सामाग्री बोकेर मित्र राष्ट्र चीनकाे जहाज केही बेरमै पोखरा उत्रने भएको छ ।

१ लाख ७९ हजार किलो राहत सामग्री बोकेर चिनियाँ जनमुक्ति सेनाको Y-20 जहाज (PLA AF 15) अहिले बिहान पोखरा आउने खबर प्राप्त भएको हो ।

छेन्दुबाट आउने ती जहाजका सामग्री पोखरामा झारेपछि नेपाली सेनाको स्काइ ट्रकले यहाँबाट रुकुम पश्चिम र नेपालगन्ज पुर्‍याउने छ ।

विमानस्थलमा ती सामग्री हस्तान्तरण र बुझ्न अहिले बिहान ८:३० बजेको जहाजबाट गृहमन्त्री नारायणकाजी श्रेष्ठ र चिनियाँ राजदूत छेन सोङ्ग काठमाण्डुबाट पोखरा आउने कार्यतालिका बनेको उच्च सुरक्षा स्रोतले जानकारी दिएको छ ।

पत्रकार र स्थानिय प्रशासनको समुपस्थितिमा राजदुत छेनले गृहमन्त्री श्रेष्ठलाई राहत सामाग्री हस्तान्तरण गर्नेछन् । कार्यक्रम अहिले बिहान ९ बजे तोकिएको छ ।