धादिङको त्रिपुरासन्दुरी गाउँपालिका सल्यान्टारमा मंगलबार राति मोटरसाइकल दुर्घटनामा परी दुई युवक घाइते भएका छन् ।
बगैँचा स्थित गाउँपालिका कार्यालय नजिकै बेलगाउँचोकमा भएको दुर्घटनामा परी वडा नं. १ रानीपौवाका २२ वर्षीय रोशन परियार र सोहि ठाउँका २२ वर्षकै सन्दीप श्रेष्ठ घाइते भएका हुन् ।
घाइते रोशनको अवस्था अत्यन्त चिन्ताजनक रहेको सल्यान्टार प्रहरी चौकीका प्रमुख सई विष्णु बहादुर नेपालीले गण्डकन्यूजलाई जानकारी दिए । उनले भने– ‘रोशनको अवस्था अत्यन्त चिन्ताजनक छ । सन्दीपको चाहिँ मध्यम छ । दुवैको जिल्ला अस्पताल रिफर भएको छ ।’
रोशन मोटरसाइकल पछाडि बसेका थिए । मोटरसाइकल चालक सन्दीप श्रेष्ठको अवस्था मध्यम छ । दुवैलाई एम्बुलेन्समार्फत भर्खरै जिल्ला अस्पताल धादिङ लगिँदैछ ।
घटना साढे ९ बजे भएको हो । उनीहरु सवार बा ५० प ७१३८ सिभिआर होण्डा बाइक रोकिराखेको ना६त २७५८ नम्बरको ट्याक्टरमा ठक्कर खाएको घटनास्थलबाट राजकुमार राजाले जानकारी दिए । बाइकको ठक्करले ट्याक्टर नै पल्टिएको थियो ।

दुर्घटना हुनेबित्तिकै दुवैलाई सल्यान्टार स्वास्थ्य केन्द्रमा लगिएको थियो । स्वास्थ्य चौकीको एम्बुलेन्स नचलेपछि खहरेबाट एम्बुलेन्स बोलाउनुपर्दा डेढ घण्टा ढिलो हुन पुगेको थियो । त्यसपछि, स्थानियले गाउँपालिका र स्वास्थ्य चौकी विरूद्ध आक्रोश व्यक्त गरेका थिए ।
दुर्घटनामा परी मोटरसाइकल क्षतविक्षत भएको छ । प्रहरीको टोली घटनास्थल पुगी अनुसन्धान सुरु गरेको छ ।
तीब्र गति र मापसे गरी सवारी नचलाउन सूचित गरिएको छ ।
सम्बन्धित खबर
धादिङको आदर्श बहुमुखी क्याम्पसमा क्रान्तिकारीले आफै स्ववियु गठन गरेर चकित पार्यो
धादिङमा होली खेल्न भनी गएका २ किशोरी बेपत्ता
धादिङमा मन्दिरमा पानी लिएर गएको ट्याङ्कर दुर्घटना, २ जनाको मृत्यु
नारायणघाटबाट काठमाडौँ जाँदै गरेको माइक्रो धादिङमा दुर्घटना, ५ जना घाइते
धादिङमा लेनदेन विवादमा युवकको हत्या, एक जना पक्राउ
धादिङको उत्कृष्ट विद्यालय भिमोदयको ४७ औं वार्षिकोत्सव
यो पनि पढौँ
३५ मिनेट वान टु वान भेटपछि मोदीले नेपाली भाषामा र ओलीले हिन्दी भाषामा के लेखे ?
आँधीखोला गाउँपालिकामा शुक्रबार शोक बिदा
गर्भवती श्रीमतीलाई जंगलमा लगेर हत्या गरी एक्साभेटरले खाल्डोमा गाड्ने श्रीमान् पक्राउ
पोखरा अन्तर्राष्ट्रिय विमानस्थल निर्माणमा अर्बौं भ्रष्टाचार भएको संसदीय छानबिनको ठहर