पोखरा । १ सय ६ वर्षीया पोखराकी जेष्ठ नागरिक कलावती बरालको निधन भएको छ । पोखरा महानगरपालिका वडा नं. १७ पार्दी विरौटा निवासी कलावती बरालको सोमबार निधन भएको परिवारले जनाएका छन् ।

बरालको निवासबाटै शवयात्रा निकाली रामघाटमा अन्तिम अन्त्येष्टि गरिँदैछ । पोखरा २२ पुम्दी भुम्दी घर भएका समाजसेवी स्व।डिल्लीराम बरालकी धर्मपत्नी कलावतीको निवासमै निधन भएको हो ।

पोखराका समाजसेवी तथा उद्योग व्यवसायी एवं पुम्दीकोट कोट विकास समितिका अध्यक्ष चन्द्रकान्त बराल मातृशोक परेको छ । कलावतीका हाल ४ छोरा र १ छोरी छन् । ५ छोरा र २ छोरी मध्ये एक छोरा रएक छोरीको निधन भइसकेको छ ।

विशाल महादेव मूर्ति निर्माण समितिका संयोजक समेत रहेका चन्द्रकान्त बराल स्व।कलावतीका साइला छोरा हुन् । स्व।कलावतीका अन्य छोराहरुमा बासुदेव, टिकाराम, निर्मलराज बराल छन् भने बुद्धिकला पौडेल एक छोरी छन् ।