नेपालीहरुको महान चाड बडादशैं, तिहार, छठ पर्व, नेपाल सम्बत् को अवसरमा नेकपा (एमाले) धादिङ पोखरा सम्पर्क समाजले शुभकामना आदानप्रदान कार्यक्रम गरेको छ ।

कार्यक्रमका प्रमुख अतिथि नेकपा एमाले कास्कीका सचिव बैनबहादुर अधिकारी क्षेत्रीले सम्पर्क मञ्चले पार्टी जोड्ने पुलको काम गरेको भन्दै कास्की पार्टी निर्माणमा पनि पोखरा बस्ने धादिङबासीको अतुलनीय योगदान रहेको उल्लेख गरे । उनले कम्युनिष्ट पार्टीका कार्यकर्तामा कम्युनिष्ट चरित्र हुनुपर्ने भन्दै सिद्धान्त थाहा पाउनुपर्ने बताए ।

मञ्चका अध्यक्ष गोकर्ण अधिकारीको अध्यक्षतामा भएको कार्यक्रममा उद्योग व्यापार महासंघ नेपाल केन्द्रिय सदस्य एवं पोखरा चेम्बर अफ कमर्स कास्की अध्यक्ष यामनाथ पौडेल, निवर्तमान अध्यक्ष शेर बहादुर अधिकारी, सल्लाहकार नवराज दुवाडी, सरोज सिह कुँवर लगायतले शुभकामना व्यक्त गरेका थिए ।

कार्यक्रममा स्वागत मन्तव्य उपाध्यक्ष योगप्रसाद सापकोटा (नवराज) र सञ्चालन सचिव राम प्रसाद दुवाडीले गरेका थिए ।