पोखरामा एक्सचेञ्ज सुविधासहित फर्निचरका सामानहरुको विक्री गरिने भएको छ । न्यूरोड स्थित सिटी स्क्वायर ब्यांक्वेटमा कार्तिक १, २ र ३ गते अन्तर्राष्ट्रिय स्तरका फर्निचरहरुको ‘शो’ र ‘सेल’ गरिने भएको हो ।

चितवनमा रही देशभरी बजार विस्तार गरिरहेको फर्निटेक नेपाल प्रालिले आफ्ना उत्पादनहरुको विशेष प्रदर्शनको आयोजना गरेको हो।

भारी छुटका साथ विदेशी तथा आफ्नै उत्पादनहरुको बिक्रीको तत्कालीन तथा पोखरामै नयाँ बिक्री केन्द्रको स्थापना गर्ने दीर्घकालीन योजना सहित कार्यक्रमको आयोजना गर्न लागिएको फर्निटेकका संचालक अमर घिमिरेले जानकारी दिए ।

सोफा, डाईनिङ सेट, बेड तथा मोडुलर फर्निचरको जगतमा आफ्नो बेग्लै पहिचान बनाएको फर्निटेक नेपालले यस क्षेत्रमा परिचित हुन लागेकोमा स्थानिय व्यवसायी रामु गौतमले खुसी व्यक्त गरे ।

सो मेलामा पुराना सोफा तथा फर्निचरहरुसँग नयाँ सोफाहरु साट्ने योजना पनि आयोजक कम्पनीले प्रस्तुत गरेको छ।