अपराध

ब्रेकिङ: पोखराको चाउथेबाट ठूलो परिमाणमा लागुऔषधसहित दुई पक्राउ

प्रहरी भन्छः प्रेस मिट गरेरै जानकारी दिन्छौँ ।

गण्डक न्यूज आइतबार, ७ असाेज २०८०

७ असाेज २०८०

पोखरा वडा नं. १४ चाउथेबाट ठूलो परिमाणमा लागुऔषध बरामद गर्न प्रहरी सफल भएको छ । संलग्न दुई जना लागुऔषध कारोबारी पनि पक्राउ परेका छन् ।

पक्राउ पर्नेमा पाल्पा घर भएका केशबहादुर कुमाल र स्याङ्जा घर भएका सन्तोष थापा रहेका छन् । आमा र छोरीमात्र बस्ने चाउथे प्रतिभा टोलस्थित एक घरको तल्लो कोठा भाडामा लिइ उनीहरुले लागुऔषधको डिलर नै बनाएको खुलेको हो । प्रहरीले विस्तृत विवरण प्रेस मिट गरेरै खुलाउने कास्की प्रहरी प्रवक्ता डिएसपी श्रवणकुमार बिकले जानकारी दिए ।

उनीहरुको साथबाट प्रहरीले फेनेरागन १,३६१ एम्पुल, नुफ्रिन १,१३२ एम्पुल, डाइजापाम १,२०२ एम्पुल गरी कुल ३,६९५ एम्पुल लागुऔषध बरामद गरेको छ । वडाध्यक्ष बोधबहादुर कार्की लगायत स्थानीयको रोहबरमा मुचुल्का उठाई लागुऔषध बरामद गरिएको हो ।

उनीहरुको साथबाट ६ लाख बढी नगद पनि बरामद गरिएको छ ।