एशिया कपको उपाधि भारतले सहजै जितेको छ। आइतबार भएको फाइनलमा घरेलु टोली श्रीलंकालाई १० विकेटले हराउँदै भारतले उपाधि जितेको हो।
जितका लागि श्रीलंकाले दिएको ५१ रनको झिनो लक्ष्य भारतले ६ ओभर १ बलमा बिना विकेटको क्षतिमा भेट्टायो। भारतको जितमा शुभमन गिलले अविजित सर्वाधिक २७ तथा इशान किशनले २३ रनको योगदान गरे।
त्यसअघि श्रीलंकाको राजधानी कोलम्बोस्थित प्रेमदासा रंगशालामा टस जितेर ब्याटिङ थालेको घरेलु टोलीले जितका लागि भारतसामु एकदिवसीय क्रिकेटको इतिहासमा अहिलेसम्मकै सबैभन्दा थोरै ५१ रनको लक्ष्य दिएको थियो।
एकदिवसीय ढाँचामा सबैभन्दा थोरै रन सन् १९८८ मा श्रीलंकाले एशिया कपकै फाइनलमा ४३ ओभर २ बलमा अलआउट हुँदै भारतलाई १७६ रनको लक्ष्य दिएको थियो। त्यस क्रममा जवाफी ब्याटिङ गरेको भारतले ३७ दशमलव १ ओभरमा ४ विकेट गुमाएर १८० रन बनाउँदै ६ विकेटले जितेको थियो।
श्रीलंकाका लागि कुशल मेण्डिसले सर्वाधिक १७ र दुषण हेमन्थले अविजित १३ रन बनाए पनि अन्य कुनै ब्याटरले दोहोरो अंकको स्कोर गर्न सकेनन्।
धनञ्जय डि सिल्भा ४ तथा पाथुम निशान्का २ रन बनाएर पभेलियन फर्कंदा कुशल परेरा, चारिथ आसालान्का, दासुन शानक, मथिशा पाथिराना र सदीरा समर विक्रमाले खाता नै खोल्न सकेनन्। श्रीलंकालाई सस्तैमा समेट्ने क्रममा भारतीय बलर मोहम्मद सिराजले घातक बलिङ गरे। ७ ओभर बलिङ गरेका उनले १ ओभर मेडन राख्दै २१ रन दिएर सर्वाधिक ६ विकेट हात पारे। हार्दिक पाण्ड्याले ३ तथा जसप्रित बुमराहले १ विकेट लिए।
एसिया कप इतिहासमा भारतले सन् १९८४, १९८८, १९९०–९१, १९९५, २०१०, २०१६ र २०१८ मा उपाधि जितेको थियो।
तीव्रगतिका बलर मोहम्मद सिराज चम्किएपछि भारतले सहज जित हात पारेको हो । सात ओभर बलिङ गरेका सिराजले २१ रन खर्चिएर ६ विकेट लिएका थिए । सिराज म्यान अफ दी म्याच भए भने म्याद अफ दी सिरिज भारतीय बलर कुलदीप यादव भएका छन् ।
यादव एसिया कपको सर्वोत्कृष्ट खेलाडी बनेका हुन्। फाइनलमा १ विकेट पनि लिन नसकेका यादवले प्रतियोगितमा ५ खेलमा ९ विकेट लिएका थिए ।
भारतले श्रीलङ्कालाई फाइनललाई हराएर आठौँ पटक उपाधि जित्दा कुलदीपको भूमिका महत्त्वपूर्ण रह्यो । उनले फाइनलमा १ ओभर गर्दै १ रन दिए । कुलदीपले ५ खेलमा २८ ओभर ३ बल गरे र यस क्रममा १ सय ३ रन दिँदै ९ विकेट लिए । उनले पाकिस्तानसँगको खेलमा २५ रन दिँदै ५ विकेट लिए ।
This will close in 3 seconds
सम्बन्धित खबर
लामाचौर कप भलिबलमा पुरूषतर्फ पुलिस च्याम्पियन, सञ्जु सर्वोत्कृष्ट
लामाचौर कप भलिबलः महिला तर्फको उपाधि एपिएफलाई, न्यू डायमण्ड पराजित
लामाचौर कप भलिबलः डिफेन्डिङ च्याम्पियन गण्डकी सबैभन्दा कमजोर, गल्कोट तेस्रो
लामाचौर भलिबलः महिलातर्फ एभरेष्ट बुटवल तेस्रो, गण्डकी प्रदेश पराजित
प्रथम अन्तर क्लब ह्याण्डबलको उपाधि मनकामनालाई
सशस्त्रको एपीएफ महिला र पुरूष दुवैतर्फ फाइनलमा, न्यू डायमण्ड र पुलिससँग उपाधि प्रतिष्पर्धा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग