त्रिपाठीको जन्मदिनमा विद्यालयमा अक्षयकोष स्थापना

गण्डक न्यूज शुक्रबार, २२ भाद्र २०८०

२२ भाद्र २०८०

पोखरा महानगरपालिका वडा नं. २८, आरुपाटाका पुष्पराज त्रिपाठीले आफ्नो जन्मदिनको अवसर पारेर जनज्योति माविमा एक लाख एक रुपैंयाँको अक्षयकोष स्थापना गरेका छन् ।

३६ औं जन्म दिनको अवसरमा त्रिपाठीले उक्त रकमको ब्याजबाट आउने रकम विद्यार्थीको अतिरिक्त क्रियाकलापमा खर्च गर्ने गरी कोष स्थापना गरेका हुन् । उनले रकम विद्यालय व्यवस्थापन समितिका अध्यक्ष राजेश अधिकारी र विद्यालयका प्रधानाध्यापक नागेन्द्रराज लामिछानेलाई हस्तान्तरण गरेका थिए ।

कार्यक्रममा वडा नं. २८ का अध्यक्ष श्रीकृष्ण लामिछाने, विद्यालय व्यवस्थापन समितिका पूर्वअध्यक्ष विश्वरमण अधिकारी, वडा सदस्य डाल्डादेवी भुजेल, व्यवसायी शम्भुराम पाण्डे लगायतले विद्यालयमा अक्षयकोष स्थापना गर्नु त्रिपाठीको उदाहरणीय कार्य भएको बताए ।

त्रिपाठीले पोखराको महेन्द्रपुलमा मोबाइलको व्यवसाय गर्दै आएका छन् ।