गुल्मीबाट बुटवल हुँदै काठमाण्डाैतर्फ जाँदै गरेको स्कोर्पियो पहिराेमा पर्दा तीन जनाको च्यापिएर मृत्यु भएकोमा सबैकाे पहिचान खुलेकाे छ । दुर्घटनामा परी घाइते हुने ८ जनाको पनि नाम वतन खुलेको प्रहरीले जानकारी दिएकाे छ ।

पाल्पा प्रहरीका अनुसार मृत्यु हुनेमा पाेखरा २५ हेम्जाका विनाेद तिम्सिना पनि रहेका छन् । उनी गुल्मीकाे तम्घास स्थित सिद्ध माविका शिक्षक रहेकाे जानकारले बताएका छन् । दुर्घटनामा ज्यान गुमाउनेमा जिल्ला प्रहरी कार्यालय गुल्मीमा कार्यरत प्रहरीका सहायक हवल्दार ३२ वर्षीय यमबहादुर बोहरा र गुल्मीको रेसुंगा नगरपालिका- ७,भुजेलखर्ककी की ५० वर्षीया मनकला चुदारा छन्।

लु १ ज ४६०० नम्बरको उक्त स्काेर्पियाे पाल्पाको रिब्दिकोट गाउँपालिका- २ जोर्तेमा बिहान सवा ८ बजे उकालोमा गुडिरहेका बेला गाडिमाथि पहिरो (ढुंगा) खसेको हाे । मृत्यु हुनेमा एक जना प्रहरी पनि रहेका छन् ।

जीपमा सवार तीन बच्चासहित ८ जनालाई तत्काल उद्धार गरी उपचारका लागि पठाइएको थियाे । पहिरो खस्दा पाल्पा–गुल्मी सडक खण्ड बन्द भएको छ।

घाइतेकाे नामावली