पोखराको न्यूरोडमा जडान गरिएको सडक बत्तीकाे परीक्षण गरिएकाे छ । महानगरकाे ‘उज्यालो पोखरा’ अभियान अन्तरगत विभिन्न क्षेत्रहरूमा  १९ सय बढी स्मार्ट बत्तीहरू जडान गरिएकाे छ । पाेखराकाे न्यूराेड खण्डमा पनि सडककाे बीच भागमा जडित बत्ती परीक्षण गरिएको हो ।

यस सडकमा निर्माण गरिएको डिभाइडरमा रङ रोगनको काम अन्तिम चरणमा पुगेकाले अब केही दिनभित्रै बत्तीहरू नियमित बालिने महानगर प्रमुख धनराज आचार्यले बताए । उनका अनुसार सोमबारदेखि डिभाइडरमा एक्सोरा प्रजातिको फूलका बिरुवाहरू रोप्न थालिएको छ ।

महानगरलाई सुरक्षित र चाैबिसै घण्टा उज्यालो शहरका रूपमा विकास गर्ने गरी नेपाल विद्युत प्राधिकरणको सहकार्य तथा साझेदारीमा थालिएको स्मार्ट बत्तीहरू जडानको कार्य अन्तिम चरणमा पुगेको छ । सेन्सर सहितका यी बत्तीहरूको कन्ट्रोलिङ भने प्राधिकरणको केन्द्रीय प्रणालीले गर्ने महानगरले जनाएकाे छ ।