पोखरा । पोखरामा नक्कली सुन देखाई ठगी गर्ने २ जना पक्राउ परेका छन् ।

पक्राउ पर्नेमा सिन्धुली दुधौली नगरपालिका– १० कोगटी वर्ष ४४ का बिमल तामाङ र मकवानपुर हेटौडा उपमहानगरपालिका– बस्ने वर्ष ४१ का सन्तोष मगर रहेका छन् ।

प्रहरीका अनुसार उनीहरुले गत जेठ ५ पोखरा महानगरपालिका– १० अम्मरसिंहचोक, नागिनटोल शिवमन्दिर नजिक वरपरका मानिसहरुलाई नक्कली सुन देखाई सक्कली सुनका गरगहना लुट्ने तथा नगद समेत ठगी गरी फरार भएका थिए ।

उनीहरुलाई जिल्ला प्रहरी कार्यालय कास्की र वडा प्रहरी कार्यालय रामबजारबाट खटिएको प्रहरी टोलिले जेठ ३२ गते बिहीबार पोखरा महानगरपालिका– २६ अर्घौचोकबाट पक्राउ गरेको हो ।

प्ररहरीले उनीहरुको साथबाट सुन जस्तो देखिने 9999 100 लेखिएको पहेँलो रंगको धातु ३ थान, विभिन्न कम्पनीका मोवाईल ३ थान र नगद ५ हजार ४३५ रुपैयाँ बरामद गरेको छ ।

पक्राउ परेका उनीहरुलाई ठगी, आपराधिक विश्वास घात तथा आपराधिक लाभ (एक्सटर्सन) सम्बन्धी कसुरमा जिल्ला अदालत कास्कीबाट दस दिन म्याद थप गरी अनुसन्धान सुरु गरेको प्रहरीले जनाएको छ ।