पोखरा । प्राध्यापक रुद्रप्रसाद तिमिल्सिनाले लेखेको पुस्तक ‘म्याड लभर्स’ (प्रेमको शास्त्रिय सल्यक्रिया) को परिचर्चा कार्यक्रम पोखरामा सम्पन्न भएको छ । पृथ्वीनारायण क्याम्पस पोखराका क्याम्पस प्रमुख प्रा.डा.सरोज कोइरालाको प्रमुख आतिथ्यतामा भएको कार्यक्रममा बोल्दै कोइरालाले श्रष्टाद्वारा सृजित सृजनाहरुले हाम्रो समाजको यर्थाथ बोल्न सक्नु पर्ने बताए । ‘पुस्तक समाजको ऐना हो, श्रष्टाद्धारा सृजित सृजनाहरुले हाम्रो समाजको यर्थाथ बोल्न सक्नु पर्छ, म्याड लर्भस त्यही पाटोमा केन्द्रित बनोस्, आगामी दिनमा अझै सशक्त्त सृजनाको शुभकामना’ उनले भने ।
गण्डकी प्रज्ञा प्रतिष्ठानका सदस्य सचिव मनकुमार श्रेष्ठले कृति आफैमा सशक्त्त विषय भएको बताए । ‘कृति आफैमा सशक्त्त विषय हो, यसले यर्थाथताको धरातल टेक्नै पर्छ, म्याड लर्भसले सृजनाको धर्म निभाएको छ’ उनले भने । यो पुस्तक पाठकको गहना बन्ने सदस्य सचिव श्रेष्ठको विश्वास थियो ।
पुस्तक माथि परिचर्चा प्राध्यापक सुन्दर मानन्धरले गरे । श्रष्टा रुद्र प्रसाद तिमिल्सिनाले पुस्तक लेख्दाका अनुभव सुनाए । आफू उत्तर आधुनिक जोगी भएको उनको भनाई थियो । आंशिक प्राध्यापक संघ पृथ्वीनारायण क्याम्पसका अध्यक्ष सुनिल गौतमको अध्यक्षतामा भएको कार्यक्रममा स्वागत वरिष्ठ उपाध्यक्ष प्रकाश चन्द्र रेग्मीले गरेका थिए । आंशिक प्राध्यापक संघ पृथ्वीनारायण क्याम्पसको आयोजनामा गण्डकी प्रज्ञा प्रतिष्ठानको सभाहलमा भएको कार्यक्रममा श्रष्टालाई सम्मान समेत गरियो ।
सम्बन्धित खबर
पूर्व गृहमन्त्री रवि लामिछानेका विषयमा भ्रम छरियोः कास्की प्रहरी
एभरेस्ट एफएमको आकस्मिक रक्तदानमा २ सय ५१ युनिट संकलन
चरक मेमोरियलका एमडी पोखरेलको नेतृत्वमा अफिन गण्डकी
पोखराका पत्रकार केशव शरण प्रेस काउन्सिल सदस्य नियुक्त
गण्डकी प्रदेशबासीको स्वास्थ्यलाई स्वस्थ राख्ने बाटो तय: स्वास्थ्यमन्त्री पाठक
थालमा ढुंगा राखेर सहकारीपीडितको प्रदर्शन
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड