पोखरा। पोखरा नगर बस र स्कुटर एकापसमा ठक्कर खाँदा स्कुटर चालकको मृत्यु भएको छ।

पोखरा महानगरपालिका २२ पुम्दिभुम्दीमा नगरबस र स्कुटर एकापसमा ठक्कर खाँदा स्कुटर चालक पोखरा २५ हेमजा निवासी ४६ वर्षीय तुलसी प्रसाद त्रिपाठीको मृत्यु भएको जिल्ला प्रहरी कार्यालय कास्कीले जनाएको छ।

प्रहरीका अनुसार बिहीबार दिउँसो १:४० बजेको समयमा पुम्दिभुम्दी स्थित भित्री सडकखण्डमा ग १ ख ३२८७ नंवरको नगरबस र ग २३ प ३६८६ नंवरको स्कुटर एकापसमा ठक्कर खाँदा घाइते भएका त्रिपाठीलाई तत्काल उपचारका लागि अस्पताल पठाइएपनि उपचारको क्रममा ३:२५ बजे मृत्यु भएको हो।

यस्तै, दुर्घटनामा स्कुटरको पछाडी सवार पोखरा -५ मालेपाटन निवासी २२ वर्षीय शिशिर त्रिपाठी घाइते छन्। उनको हाल गण्डकी मेडिकल कलेजमा उपचार भइरहेको छ।

उनको टाउको र खुट्टामा चोट लागेको प्रहरीले जनाएको छ। वडा प्रहरी कार्यालय वैदामबाट प्रहरी निरीक्षक नेत्र बहादुर कुँवरको नेतृत्वमा खटिएको टोलीले नगरबस र चालकलाई नियन्त्रणमा लिएर आवश्यक अनुसन्धान शुरु गरेको प्रहरीको भनाई छ।