पोखरा बहुमुखी क्याम्पसले नयाँ वर्ष २०८० को शैक्षिक क्यालेन्डर विमोचन गरेको छ ।

अभिभावक र विद्यार्थीबीच नयाँ वर्षको शुभकामना आदानप्रदानसहित क्याम्पसले क्यालेण्डर विमोचन गरेको हो ।

‘हामी समस्त अभिभावक र विद्यार्थीलाई नयाँ वर्षको शुभकामना व्यक्त गर्दछौं’ क्याम्पस सञ्चालक समिति अध्यक्ष नरेन्द्रमान लालचनले भने, ‘नयाँ वर्षले ल्याउने उमंग र उत्साहले शैक्षिक उन्नयनमासमेत सफलता हात पारोस् ।’

क्याम्पसले गुणस्तरीय शिक्षा र सामुदायिक योगदानमा भूमिका खेलिरहेको बताउँदै उनले विद्यार्थीमात्र हैन अभिभावको लगावले पनि शिक्षामा महत्वपुर्ण भूमिका खेल्ने उल्लेख गरे ।

क्याम्पस प्रमुख शिशुकला पराजुलीले सबैले आ–आफ्नो भूमिका व्यावसायिक र जिम्मेवार भई पूरा गनुपर्ने बताइन् ।

बिहानी सत्रमा स्नातकतहतर्फ व्यवस्थापन र मानविकीका कक्षाहरु सञ्चालन गरिरहेको क्याम्पसले आगामी सत्रबाट अन्य संकाय थप्ने जनाएको छ ।