पोखरा । तेश्रो शितल ज्योति कप सेभेन ए साइड फुटबल प्रतियोगितामा आयोजक शितल ज्योति युवा क्लवले विजयी सुरुवात गरेको छ । पोखराको अम्मरसिंह खेल मैदानमा शनिबार भएको उद्घाटन खेलमा आयोजक शितल ज्योतिको जुनियर समुह बी टिम ले सागर फुटवल क्लवलाई टाईब्रेकरमा ३—१ को गोल अन्तरले पराजित गर्दै विजयी सुरुवात गरेको हो ।
२०÷२० मिनेटको निर्धारित समयमा दुबै तर्फ एक÷एक गोलले खेल बराबरीमा पुगे पछि खेल टाईब्रेकरमा धकेलिएको हो । शितल ज्योतिको जितमा टाईब्रेकरमा प्रतिक गुरुङ, गोपाल गुरुङ र प्रशान गुरुङले गोल गरे । सागर एफ.सी.का याम गुरुङको टाईब्रेकरमा प्रहार गरेको सुट गोल हुन सकेन भने रोसन गुरुङले प्रहार गरेको पेनाल्टी सुटमा गोल भएको थियो । शितल ज्योतिका गोपाल गुरुङले र सागर एफ.सी.का याम गुरुङले निर्धारित समयमा एक÷एक गोल गर्दा खेल बराबरीमा पुगेको थियो ।
आइतबार बिहान ८ः०० बजे देखि पहिलो चरणको खेल सुरु हुने भएको प्रतियोगिता संयोजक सन्तोष गुरुङले बताए । उनका अनुसार आइतबार ६ वटा खेलहरु हुने भएको छ । यही फागुन २७ गतेसम्म चल्ने उक्त प्रतियोगिताको एक समारोहका बिच शनिबार उद्घाटन गर्दै पोखरा महानगरपालिका वडा नम्बर १२ का वडा अध्यक्ष सन्तोष बाँस्तोलाले यस्ता खेलकुद गतिविधिले युवाहरुलाई सक्रिय बनाउने बताए । क्लवले सामाजिक कार्यसंगै खेलकुद क्षेत्रमा निरन्तर विभिन्न कार्यक्रम गर्दै आएकोमा उनले प्रशंसा समेत गरे । क्लवका आजिवन संरक्षक टिका बहादुर कार्कीले क्लवले अब सेभेन ए साइड फुटवलबाट माथि उठेर फुटवल प्रतियोगिता आयोजना गर्न तर्फ केन्द्रित हुन सुझाव दिए । क्लवका अध्यक्ष नर प्रसाद गुरुङको अध्यक्षतामा सम्पन्न भएको उद्घाटन सत्रमा हिमाली साँस्कृतिक परिवारको स्वागत नृत्य समेत प्रस्तुतः गरिएको सचिव पुर्ण गुरुङले बताए ।
प्रतियोगितामा २९ टिमको सहभागिता भएको संयोजक सन्तोष गुरुङले बताए । प्रतियोगिताका बिजेताले १ लाख ५५ हजार ५ सय ५५, उपविजेताले ८५ हजार ५ सय ५५ रुपैयाको साटमा ट्रफी मेडल र प्रमाणपत्र वितरण गरिने भएको उनले जनाए । सेमिफाइनलमा प्रबेश गर्ने टिमलाई १० हजार, प्रतियोगिताको क्वाटरफाइनलबाट म्यान अफ दी म्याच घोषित गरिने भएको छ । प्रतियोगितामा उत्कृष्ट खेलाडीलाई माउण्टेन वाइक पुरस्कार वितरण गरिने भएको क्लवका अध्यक्ष नर प्रसाद गुरुङले बताए । प्रतियोगितामा उत्कृष्ट गोलरक्षक, उत्कृष्ट डिफेण्डर, उत्कृष्ट मिडफिल्डर, उत्कृष्ट सर्वाधिक गोलकर्ता, उत्कृष्ट प्रशिक्षकलाई जनही ५ हजारको साथमा ट्रफी प्रदान गरिने भएको छ ।
उक्त प्रतियोगितामा क्लवका पूर्व खेलाडी स्वर्गीय किरण खड्का परिवारबाट पहिलो पुरस्कार प्रायोजन गरेको छ भने द्धितिय पुरस्कार पोखरा १२ को वडा कार्यालय रहेको क्लवका सचिव पुर्ण गुरुङले बताए । यस अघि पूर्व खेलाडी स्वर्गीय किरण खड्काको स्मृतिमा उक्त प्रतियोगिता संचालन भएको क्लवले जनाएको छ । स्थानिय खेलाडी उत्पादन गर्ने उद्धेश्यले उक्त प्रतियोगिता आयोजना गरिएको संयोजक गुरुङले बताए ।
सम्बन्धित खबर
दोस्रो संस्करणको स्याङ्जा क्रिकेट लिगको उपाधि गल्याङलाई
पत्रकार त्रिभुवन पौडेलको स्मृतिमा फागुन १६ देखि पुम्दीभुम्दीमा त्रिभुवन स्मृति कप हुने
पोखरामा फोहोर संकलन दौड प्रतियोगिता, सौगात र सक्षमको जोडीले जित्यो ५० हजार
हिसान गण्डकी फुटसलको उपाधि गुरुकुल विद्यासदन र इन्फोम्याटिक्सलाई
जुनियर खुल्ला राष्ट्रिय जुडो प्रतियोगिता– २०८१ फागुन ९ र १० मा हुने
घान्द्रुक किम्चेलाई पराजित गर्दै ठकुरी समाजले जित्यो सिधिङ भलिबलको उपाधि
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
विराट चक्र विज्ञान पोखरा रंगशालामा नहुने