पोखरा -१५ मा जारी खेलकुद महोत्सवको तेस्रो दिन महिला भलिबल र आमा समूह बिचको रस्साकस्सी खेल सम्पन्न भएको छ।  पोखराको बन विज्ञान क्याम्पसको खेल मैदानमा जारी प्रतियोगिता अन्तर्गत महिला भलिबलमा जन जागृति आमा समूह र रस्साकस्सी प्रतियोगितामा लक्ष्मीटोल आमा समूह विजयी बनेको छ।

पुरुष भलिबलतर्फ गलेश्वर युवा क्लब र तल्लो नयाँ गाउँ युवा क्लब फाइनलमा प्रवेश गरेको छ भने, पुरुष फुटबलमा तल्लो नयाँ गाउँ र प्रतिभा टोल सेमिफाइनलमा प्रवेश गरेको छ।

यस्तै, विद्यालय स्तरीय पुरुष फुटबलमा आजको खेलमा वेलनन एकेडेमीले नेपाल भारत मैत्री विद्यालयलाई ट्राई बेकरमा ३-१ ले पराजित गरेको छ।

शनिवार ५० वर्ष माथिकाको पुरुष दौड र महिलातर्फ ४० वर्ष माथिका आमा समूहको दौड लगायत फरक क्षमता भएका व्यक्तिहरू बिच व्हिल चियर दौड र बास्केटबल प्रतियोगिता हुनेछ। भने बाँकी खेल शनिवार नै सम्पन्न गरी पुरस्कार वितरण गरी प्रतियोगिता सम्पन्न हुनेछ।