पोखरा । देशका केही स्थानको मौसम आज शुक्रबार बदली रहने जल तथा मौसम पूर्वानुमान महाशाखाले जनाएको छ।

महाशाखाका अनुसार हाल देशमा पश्चिमी न्यून चापीय प्रणालीको सामान्य  प्रभाव रहेको छ।

अहिले बिहान देशका पहाडी भू-भागमा आंशिक बदली रही तराईका धेरै भू-भागमा हुस्सु र कुहिरो शितलहर लागिरहेको छ।

शुक्रबार दिउँसो देशको पहाडी भू-भागमा आंशिक बदली रही बाँकी क्षेत्रको मौसम सामान्यतया सफा रहनेछ। तराईका धेरै भू-भागमा हुस्सुरकुहिरो  लाग्ने सम्भावना रहेको छ।

यस्तै, राती देशको पहाडी भू-भागमा आंशिक बदली रही बाँकी क्षेत्रको मौसम सामान्यतया सफा रहनेछ। तराईका धेरै भू-भागमा हुस्सु र कुहिरो  लाग्ने सम्भावना रहेको महाशाखाले जनाएको छ।

तराईका धेरै भू-भागमा बाक्लो हुस्सु र कुहिरो लाग्ने र दैनिक जन जीवन र सडक तथा हवाई यातायातमा प्रभाव पर्ने सम्भावना रहेकोले आवश्यक सावधानी तथा सतर्कता अपनाउन पनि महाशाखाले अनुरोध गरेको छ।