पोखरा। पोखरामा जारी २२ औँ आहारारा पोखरा गोल्डकपमा धरान फुटबल क्लबले बिजयी शुरुवात गरेको छ। बिहीबारदेखि पोखरा रंगशालामा सुरु भएको खेलमा धरानले आयोजक साहारालाई १-० ले पराजित गरेको हो।

पहिलो हाफको चौथो मिनेटमा नै पाएको फ्रिकिकलाई धरानका प्रकाश बुढाथोकीले सुन्दर गोल गर्दै साहारा विरुद्ध १-० को अग्रता लिन सफल बने । जुन गोल नै धरानलाई जीत निकाल्न निर्णायक बन्यो।

दोस्रो हाफमा आयोजक साहाराले केही अवसर सृजना गरेपनि नतीजा निकाल्न भने सकेन।

आयोजक साहाराले एक पटक उपाधि उचालेको छ भने, धरान फुटबल क्लब २०७५ र ७७ सेमिफाइनलमा पुगेको छ।

यस्तै, राष्ट्रिय टिमका खेलाडी अनन्त तामाङ सहारा वर्षोत्कृष्ट खेलाडी अवार्डबाट सम्मानित भएका छन् । उनलाई पोखरा महानगरपालिकाका मेयर धनराज आचार्य र सहारा क्लब अध्यक्ष सुरज गुरुङले पुरस्कृत गरे ।

पुरस्कारको राशी ५० हजार ५ रुपैयाँ छ ।