काठमाण्डौ। अर्जेन्टिना कतार विश्वकप फुटबलको सेमिफाइनल प्रवेश गरेका छ । शुक्रबार राति कतारको लुसैल रंगशालामा सम्पन्न पेनाल्टी शुट आउटमा नेदरल्यान्ड्सलाई ४–३ गोल अन्तरले हराउँदै जारी विश्वकपको सेमिफाइनलमा प्रवेश गरेको हो ।

खेलको ३५ औँ मिनेटमा नाहुल मोलिनाले गोल गर्दै अर्जेन्टिनालाई अग्रता दिलाएका थिए। यस्तै, ७३ औँ मिनेटमा मेसीले पेनाल्टीमार्फत गोल गर्दै अर्जेन्टिनाको अग्रतालाई दोब्बर पारे ।

२-० ले पछि परेको नेदरल्याण्डका लागि खेलको ८३ औँ मिनेटमा वोउट विघ्रोस्टले गोल गर्दै नेदरल्यान्ड्सललाई २–१ मा फर्काएका थिए । लगत्तै खेलको इन्जुरी टाइमको अन्तिम मिनेटमा विघ्रोस्टले नै गोल गरेपछि नेदरल्यान्डले २-२- को बराबरी खेल्दै नाटकिय पुनरागमन गरेको थियो।
अन्ततः टाइब्रेकरमा पुगेको खेलमा अर्जेन्टिना ४-३ गोलले विजयी बन्न पुग्यो। यो जीत सँगै अर्जेन्टिनाले कतारमा जारी फिफा विश्वकपको सेमिफाइनलमा स्थान पक्का गरेको छ ।

फाइनल प्रवेशका लागि अर्जेन्टिना र क्रोएसिया भिड्नेछन् ।