काठमाण्डाै – काठमाण्डाै महानगरपालिकाको पटक पटकको ताकेतापछि लामो समयदेखि कर नतिरेका करदाताले पनि कर तिर्न थालेका छन् । काठमाण्डौ महानगरले गत भदौ १५ गतेदेखि पटकपटक कर तिर्न करदातालाई पत्राचार गरेको थियो ।

पत्राचार र पटकपटकको ताकेतापछि अहिलेसम्म ८४ लाख ३४ हजार रुपैयाँ असुल भएको कामपा राजश्व विभागका प्रमुख डा शिवराज अधिकारीले जानकारी दिए। यो असुल भएको कर मनोरंजन कर हो।

जसमध्ये काठमाण्डाै फन पार्कले १७ लाख ३६ हजार रुपैयाँ, डेन्टिन क्यासिनो होटल म्यारिटले २१ लाख ४२ हजार रुपैयाँ, क्यासिनो प्यालेस अन्नपूर्ण होटलले ११ लाख ८५ हजार रुपैयाँ, प्राइट इन्टरटेनमेन्ट एन्ड सिक्रिएशन हयात होटलले नौ लाख ८९ हजार रुपैयाँ, माजोङ्ग इन्टरटेनमेन्ट होटल सोल्टीले नौ लाख ९३ हजार र बेलिज क्यासिनो मल्ल होटलले १३ लाख ८८ हजार रुपैयाँ बुझाएको छ ।

यस्तै, विगत २९ वर्षदेखिको कर वापतको बक्यौता नतिरेका सार्वजनिक संस्थानहरु पनि पछिल्लो समय विवरणसहित सम्पर्कमा आउने क्रम बढेको अधिकारीले दिए।