पोखरा । अनलाइन फुड डेलिभरी कम्पनी फुडगञ्जले स्थापनाको छोटो समयमा नै केन्द्रीय कार्यालय काठमाडौं सहित ललितपुर र नेपालगञ्जमा शाखा विस्तार गरी सेवा दिँदै आइरहेकोमा अब पोखरामा पनि शाखा खोली सेवा विस्तार गरेको छ ।

कम्पनीका सञ्चालक समितिका सदस्य पूर्ण बहादुर रानाले शाखाको उद्घाटन गरे । पोखराका ग्राहकहरूलाई मध्यनजर गरी कम्पनीले पहिलो महिना १५–२५% सम्म क्यासब्याकका साथै फ्रि डेलिभरीको विशेष छुट दिने कम्पनीका प्रबन्ध निर्देशक सुरज थापा मगरले बताए ।

साथै, उपत्यकाभित्र बिहान ३ बजेसम्म र नेपालगञ्जमा बेलुका १० बजेसम्म सेवा दिँदै आइरहेकोमा पोखरामा पनि बेलुका १० बजेसम्म सेवा दिने थापा मगरले जानकारी दिए ।

ग्राहकप्रति समर्पित भई सेवालाई थप छिटो र छरितो बनाउँदै अबको केहि महिना भित्र नै पोखरालाई लक्षित गरी फुड डेलिभरीसँगै अन्य थप फरक खालको सेवा पनि उपलब्ध गराउने कम्पनीको उद्देश्य रहेको छ ।