पोखरा। नक्कली सुनको वाला देखाएर सक्कली हो भन्दै ठगी गर्न खोज्ने दुई जनालाई कास्की प्रहरीले पक्राउ गरेको छ।

पोखरा महानगरपालिका -८ न्यूरोड स्थित एक होटलमा नक्कली सुनको वालालाई सक्कली हो भन्दै ठगी गर्न खोज्ने दुई जनालाई सुन जस्तो देखिने २ वटा नक्कली वालासहित पक्राउ गरिएको कास्कीका निमित्त प्रहरी प्रवत्ता तथा प्रहरी निरिक्षक ज्ञान बहादुर खड्काले जानकारी दिए।

पक्राउ पर्नेमा चितवन जिल्ला माडी नगरपालिका -८ घर स्थायी भइ हाल पोखरा -४ रामकृष्ण टोलमा बस्दै आएका ३५ वर्षीय धर्मेन्द्र खाती र स्याङ्गजा जिल्ला अर्जुन चौपारी गाउँपालिका -४ रापाकोट घर भइ हाल पोखरा -१६ घार्मीखोला बस्दै आएका ४० वर्षीय डिल बहादुर विक रहेका छन्।

उनीहरुमाथि जिल्ला अदालत कास्कीबाट ७ दिन म्याद थपको अनुमति लिएर आवश्यक अनुसन्धान प्रक्रिया अगाडि बढाइएको निमित्ता प्रवक्ता खड्काले जानकारी दिए।