काठमाडौं । नेपाल कम्युनिष्टि पार्टी (माओवादी केन्द्र)का नेता नारायणकाजी श्रेष्ठले देश ढिलो वा चाँडो एउटा वा अर्को रुपमा श्रीलंकाकै स्थितिमा पुग्ने चेतावनी दिएका छन् ।

देशलाई श्रीलंकाको स्थितिमा पुग्नबाट बचाउनका लागि उनले समयमै यथास्थिति तोड्ने सकारात्मक धक्कायुक्त हस्तक्षेपको निम्ति सामूहिक एवं सङ्गठित प्रयत्न गर्न आह्वानमा जाेड दिएका हुन् ।

सामाजिक सञ्जलमा स्ट्याटस् लेख्दै नेता श्रेष्ठले भनेका छन् ,’हामी अहिले नै श्रीलंकाको अवस्थामा पुगिसकेका छैनौं, यो सही नै हो,तर तितो र नाङ्गो सत्य यो पनि हो कि निष्ठा, विचार-सिद्धान्त एवं मूल्यविहीन भ्रष्ट–स्वार्थी राजनीतिको बोलवाला, कुशासन ,भ्रष्टाचार, अपारदर्शिता, आसेपासे एवं दलालीकृत सत्ता,समस्या समाधानप्रतिको गैर जिम्मेवार प्रवृत्ति र तदर्थवादले ढिलो वा चाँडो,एउटा वा अर्को रुपमा पुर्‍याउने त्यतै हो ।’