नेपाल प्रहरीका ३२ जना एसपीलाई एसएसपीमा बढुवा सिफारिस गरिएको छ । बढुवा समितिले ३२ एसपीको एकैपटक एसएसपीमा बढुवा सिफारिस गरेको हो ।
बढुवा सिफारिसको पहिलो नम्बरमा प्रहरी प्रधान कार्यालय सुरक्षा सेवा व्यवस्थापन निर्देशनालय अंगरक्षण गण नक्सालका एसपी गणेश चन्द छन् भने ३२औँ नम्बरमा शारदा प्रसाद चाैधरी छन् ।
दोस्रो नम्बरमा सिद्धिविक्रम शाह, तेस्रोमा सुशीलसिंह राठौर तथा चौथोमा उमाप्रसाद चतुरबेदीकाे नाम छ । पाँचौ नम्बरमा दानबहादुर कार्की छन् ।
रौतहटमा पत्रकारलाई लागु औषध राख्न लगाएर पक्राउ गरेको घटनामा मुछिएका सिद्धिविक्रम पनि एसएसपीमा बढुवाको सिफारिसमा परेका छन्। उनी आइजिपी धिरज प्रताप सिंहका आफन्त समेत हुन्।
बलात्कारपछि हत्या गरिएकी कञ्चनपुरककी बालिका निर्मला पन्त प्रकरणमा बर्खास्तीमा परेर पुनर्बहाली भएका एसपी दिल्लीराज बिष्ट पनि एसएसपी बढुवाको सूचीमा परेका छन् । उनको नाम १८औँ नम्बरमा छ ।
गणेश चन्द सबैभन्दा सिनियर हुन्। उनका ब्याचका डिआइजी भइसकेका छन्। उनकी श्रीमती दुर्गा सिंह हालैको बढुवामा डिआइजीमा बढुवा भइसकेकी छिन्। निर्मलाको बलात्कार र हत्या केसमा निलम्बनमा परेर बढुवामा पछिपरेका दिल्ली बिष्ट यो पाली बढुवा सिफारिसमा अटाएका छन।


बढुवा सिफारिसमा अनुसन्धानबाट आएकाहरू हाबी
एसएसपी बढुवा सूचीमा राष्ट्रिय अनुसन्धान विभागबाट नेपाल प्रहरीमा आएकाहरू हाबी देखिएका छन्। खुमबहादुर खड्का गृहमन्त्री हुँदा राजनीतिक रूपमा विभागमा भर्ती पाएकाहरूलाई पछि विवादित रूपमा नेपाल प्रहरीमा ल्याइएको थियो।
बढुवा सिफारिसमा परेकामध्ये २ नम्बरका शाह, तीन नम्बरका राठौर, ४ नम्बरका चतुर्वेदी, ९ नम्बरका जीवनकुमार श्रेष्ठ, ११ का ओमबहादुर राना, १९ नम्बरका मनोजकुमार यादव, २१ नम्बरका दीपेन्द्र घर्ती क्षेत्री, २३ नम्बरका दिलीपसिंह देउवा, २९ नम्बरका सुरेन्द्रबहादुर गुरुङ अनि ३२ नम्बरमा बढुवाको सिफारिसमा परेका शारदा प्रसाद चौधरी राअबिबाट नेपाल प्रहरीमा ल्याइएकाहरू हुन्।
सम्बन्धित खबर
जनताको आवश्यकता अनुसार प्रदेश संख्या घटबढ गर्न सकिन्छः प्रधानमन्त्री ओली
चैत ५ गते हुने स्ववियु चुनावको कार्यतालिका सार्वजनिक
बालेनको ट्रम्पलाई जवाफ– ‘हाम्रो देश तपाईंको भन्दा राम्रो छ भनेर महसुस गराएकोमा धन्यवाद’
कक्षा ११ र १२ को पुराना आंशिक तथा ग्रेडवृद्धि परीक्षाको समय तालिका सार्वजनिक
धादिङबाट जन्ती पुर्याएर फर्किएको बस काभ्रेमा दुर्घटनाः एक जनाको मृत्यु, चालक गम्भीर
देशका केही स्थानमा वर्षा र हिमपातको सम्भावना
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
विराट चक्र विज्ञान पोखरा रंगशालामा नहुने