पोखरा । आफू सम्मिलित सरकारले ल्याउने अन्तिम बजेटमा बहालवाला मन्त्रीहरुको मनोमानी छताछुल्ल भएको छ । आफ्नो परिवारको ट्रस्टमा करोड विनियोजन गर्नेदेखि चुनाव लक्षित गरी मतदाता रिझाउन एउटै वडामा २५ करोडसम्म पारेका छन् ।
गण्डकीको बजेटमा मन्त्रीहरुको रजाईं छ । बजेट स्रोतको १२ प्रतिशत मात्रै ऋण लिन सकिने व्यवस्था विपरीत यसभन्दा झण्डै ३० करोड नाघेर ऋण लिने प्रदेश सरकारको बजेट संवैधानिक हिसाबमै त्रुटिपूर्ण छ भन्दै विपक्षी दल एमालेले संसदसमेत अवरुद्ध गरेको अवस्था छ । मन्त्रीहरुको इन्ट्रेस्टका कारण चुनावी क्षेत्रमा आफू अनुकूल योजना बढ्दा यसरी बजेट नै संविधान विपिरत अाएकाे छ । एमालेकाे अनुसार १४ अर्ब ३३ करोड राजस्वको स्रोतको १२ प्रतिशत अर्थात् १ अर्ब ७१ करोड मात्रै ऋण लिन संविधानतः मिल्छ ।
गण्डकी प्रदेशका सामाजिक विकास मन्त्री मेखलाल श्रेष्ठको बाबुआमाको नाममा खोलेको ट्रष्टमा प्रदेश सरकारले एक करोड विनियोजन गरेको छ । भौतिक पूर्वाधारमन्त्री कुमार खड्काको गृह वडा पोखरा १६ मा २५ करोड परेको छ ।
यसअघि, वार्षिक विकास पुस्तिकामा समेट्न पठाएको निर्वाचन क्षेत्र पूर्वाधार विकास कार्यक्रम अर्थमन्त्रालयले काटेपछि सत्तारुढ सांसद र मन्त्रीहरुले नै विरोध गरेका थिए । सामाजिक विकास मन्त्री मेखलाल श्रेष्ठले मुख्यमन्त्री कृष्णचन्द्र नेपालीकै अगाडि अर्थमन्त्री रामजी बराल जीवनलाइ धम्क्याएका थिए ।
थपिएको २८ करोड बजेटमध्ये एक करोड रुपैयाँ श्रेष्ठका स्व. बुबा पुननारायण श्रेष्ठ र आमा धनकुमारी श्रेष्ठको नाममा एक करोड रुपैयाँ विनियोजन गरिएको छ । सामाजिक विकास मन्त्रालय र भौतिक पूर्वाधार विकास मन्त्रालयबाट फरक फरक शीर्षकमा ५०/५० लाख विनियोजन गरिएको हो । स्याङजा भीरकोट नगरपालिका–१ स्थित पुननारायण धनकुमारी श्रेष्ठ परोपकारी ट्रष्टमा शिक्षा, संस्कृति, विज्ञान प्रविधि तथा सामाजिक विकास मन्त्रालयले ५० लाख विनियोजन गरेको छ भने सोही ट्रष्टको भवन निर्माण गर्न भौतिक पूर्वाधार, सहरी विकास तथा यातायात व्यवस्था मन्त्रालयमार्फत अर्को ५० लाख विनियोजन गरिएको छ ।
पुननारायण र धनकुमारी ट्रस्ट नै बनाएर स्मृति गरिरहने नामहरु भने होइन । श्रेष्ठका बुबाआमा सामान्य नागरिक नै हुन् । यो मन्त्री श्रेष्ठले सत्ताको चरम दुरुपयोग गरेको उदाहरण हो। उनी कम विवादित नेता होइनन् । काँग्रेसले अघिल्लो सरकार विरुद्ध आन्दोलन गर्दा ड्युटीमा रहेका प्रहरी अधिकारीलाई ‘देखाइदिन्छु’ भन्दै धम्की दिँदा आलोचित बने । केही समय अघि मात्रै अर्थमन्त्रीलाई मुख्यमन्त्रीकै अघि जे पनि गरिदिने धम्की दिए । सामाजिक विकास मन्त्री श्रेष्ठले आफ्नो मन्त्रालयको ६६ लाख बजेट किन कटौति गरेको ? भन्दै आक्रोश पोखेका थिए। श्रेष्ठले मन्त्री बराललाई मन्त्री पद नै खोसिदिने भन्दै धम्क्याएका थिए।
सेतो कितावमा थपिएका अधिकांश बजेटहरू वितरणमुखी र कार्यकर्तालाई खुसी पार्ने खालका छन् । निर्वाचन क्षेत्र विशेष कार्यक्रम काट्ने अडानमा रहेका अर्थमन्त्री बराल गलेपछि करिब २८ करोड रुपैयाँको कार्यक्रम राखेर अनुसूची थपिएका हो । २८ करोडमध्ये पोखरा १६ नम्बर वडामा मात्रै ६ करोड भन्दा बढी छुट्याइएको छ । यो वडा भौतिक पूर्वाधार विकास मन्त्री कुमार खड्काको वडासमेत हो । समग्रमा सबै मन्त्रालयबाट १६ नम्बर वडामा मात्रै २५ करोड हाराहारी बजेट विनियोजन भएको छ । यसअघि पनि धेरै बजेट एउटै वडामा परेको भन्दै प्रतिपक्षी र सत्तारुढ सांसदहरूले नै विरोध जनाएका थिए । विरोधपछि पनि पाेखरा १६ मै फेरि बजेट थुपारिएको छ । खड्काकाे रजगज राम्रै चलिरहेकाे छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग