नेकपा एकीकृत समाजवादी निकट विद्यार्थीहरुको संगठन अनेरास्ववियूको पृथ्वीनारायण क्याम्पस कमिटीको नयाँ नेतृत्व चयन गरिएको छ ।
क्यापसमा सम्पन्न विसतारित बैठकले रसिक न्यौपानेको अध्यक्षतमा २९ सदस्यीय कमिटी गठन गरेको हो ।

उपाध्यक्षमा विशाल नायक क्षेत्री, सचिवमा सन्तोष पौडेल सहसचिवद्वय सुजन सुवेदी र सुदिप पौडेल तथा कोषाध्यक्षमा कल्पना सुवेदी चयन भएका छन् ।

अनेरास्ववियू केन्द्रिय उप–महासचिव महेश श्रेष्ठको प्रमुख आतिथ्यता एवं अनेरास्ववियू पृथ्वीनारायण क्याम्पसका निर्वतमान अध्यक्ष तथा अनेरास्ववियू स्थायी कमिटी सदस्य सन्तोष न्यौपानेको अध्यक्षतामा बैठक भएको थियो ।

विस्तारित बैठकमा बोल्दै प्रमुख अतिथि श्रेष्ठले अनेरास्ववियूमा लाग्ने विद्यार्थीहरुको पहिलो काम अध्ययन गर्ने भएको भन्दै उपस्थित विधार्थीलाई आफ्नो पढाइमा ध्यान केन्द्रीकृत गर्न आग्रह गरे । पछिल्लो समय नेपाली राजनीतिमा देखिएको स्वतन्त्र उम्मेदवारीको परम्पराप्रति कटाक्ष गर्दै श्रेष्ठले दलिय व्यवस्थामा नेतृत्वको कपी गर्दा सफल नहुने बताए । कार्यक्रमकोे सञ्चालन निर्वतमान सचिव रसिक न्यौपानेले गरेका थिए ।