पोखरा। काठमाण्डौ महानगरपालिकाको पहिलो कार्यपालिका बैठकले निजी क्षेत्रले संचालन गर्दै आएका होटल, रेष्टुरेन्ट, बैंक तथा व्यापारिक मल सर्वसाधारणका लागि खुल्ला गर्ने निर्णय गरेसँगै पोखरा महानगरपालिकाले पनि त्यसका लागि निजी क्षेत्रसँग आवश्यक समन्वय गर्ने भएको छ।

महानगरपालिकाको बिहीबार बसेको पहिलो कार्यपालिका बैठकले निजी क्षेत्रसँग सम्झौता गरेर ती स्थानमा सर्वसाधारणका लागि शौचालय खुला गराउने पहल थालेको हो। महानगरका प्रमुख प्रशासकिय अधिकृत बलराम रिजालले कार्यपालिका बैंठकमा निजी क्षेत्रसँग सार्वजनिक शौचालय प्रयोग गर्न महानगरले सम्झौता गर्ने निर्णय भएको बताए । यसका लागि सम्झौता भएका ती स्थान बाहिर देखिन मिल्ने गरी बोर्ड टाँसिने छ ।

यसबाहेक पोखरा महानगरको ल्यान्डफिल साइट वडा नम्बर – ३३ मा सार्ने निर्णय भएको र त्यसका लागि आवश्यक बजेट तथा पूर्वाधार तयार पार्ने निर्यण भएको छ।