चितवन । श्रीमानको शारीरिक यातनाबाट गम्भीर घाइते भएकी चितवन खैरहनीकी गीता माझीको मृत्यु भएको छ।

भरतपुर अस्पतालमा पाँच दिनदेखि उपचाररत पूर्वी चितवनको खैरहनी नगरपालिका–१० कठार कि ३८ वर्षीया माझीको सोमबार मृत्यु भएको हो।

गत बिहीबार ४० वर्षीय श्रीमान् रामचन्द्र माझीले श्रीमती गीताको मलद्वारमा लौरो घुसाएर घाइते बनाएका थिए। घटना लगत्तै प्रहरीले रामचन्द्रलाई पक्राउ गरी नियन्त्रणमा लिएको छ।

उपचारमा संलग्न चिकित्सकहरुका अनुसार गीताको मलद्वार र यौनाङ्ग बीचको भाग च्यातिएको र कम्मरको हड्डीसमेत भाँच्चिएको थियो।

उनको हिजो (सोमबार) शल्यक्रिया गरिएको थियो। तर सोमबार राति नै ११ बजेतिर उनको मृत्यु भएको भरतपुर अस्पतालले जनाएको छ।

गीताको मृत्युअघि आरोपिविरुद्ध ज्यानमार्ने उद्योग र बलात्कारको मुद्दा दर्ता गरेर अनुसन्धान भएकामा अहिले मृत्यु भइसकेपछि अब ज्यानसम्बन्धी मुद्दाको प्रक्रियाअघि बढ्ने प्रहरीले जनाएको छ।