पोखराको नदीपुरमा अवस्थित प्रतिभा माध्यमिक विद्यालयले यस वर्षको लागि विभिन्न विधामा बाँडफाँड तथा वार्षिक कार्ययोजना प्रस्तुत गरेको छ ।

विद्यालयका प्रिन्सिपल विश्वगोपाल पराजुलीको अध्यक्षतामा बसेको बैठकले कार्यरत शिक्षकहरुलाई विभिन्न विधागत जिम्मेवारी प्रदान गरेको हो ।

विद्यालय प्रशासकको रुपमा रामबन्धु पोखरेल, अंग्रेजी विभाग तथा अतिरिक्त क्रियाकलाप प्रमुखमा प्रकाश अधिकारी, गणित विभागका विभागीय प्रमुखमा विद्यालयका सहप्राचार्य विश्वमोहन पौडेल चयन गरिएको छ ।

यसैगरी, सामाजिक बिषयका विभागीय प्रमुख माविद्यालयका सहप्राचार्य प्रदीप खनाल, विज्ञान विषयका विभागीय प्रमुखमा हरि केसी, नेपाली विभागका विभागीय प्रमुखमा विष्णुप्रसाद पौडेल, खेलकुद प्रमुखमा लीलबहादुर गुरुङ, कक्षा नर्सरीदेखि कक्षा तीनसम्मको ग्रेड सेसनको प्रमुखमा पद्मा पराजुली, सदस्यहरुमा भगवती सुवेदी र निर्मलाश्रेष्ठ, त्यसैगरी कक्षाचार देखि कक्षा छ सम्मको प्रमुखमा बिमला प्रधानलाई चयन गरेको छ ।

उक्त कार्यक्रममा विषय प्रमुखको रोहवरमा बार्षिक पाठयोजना समेत बनाइएको थियो भने विद्यालयका सहप्राचार्य विश्वमोहन पौडेलले विद्यालयको यस वर्षको वार्षिक कार्ययोजना समेत प्रस्तुत गरेका थिए। विद्यालयमा नयाँ शिक्षकशिक्षिकालाई स्वागत पनि गरिएको थियो ।