सल्यान । सल्यानमा चुनाव प्रचारमा गुडिरहेको जीपको छतबाट खसेर एक युवकको मृत्यु भएको छ।

आज शनिबार जीपको छतबाट खसेर कालिमाटी गाउँपालिका–२ दानीचौरका १८ वर्षीय खुमराज थापाको मृत्यु भएको हो।

बिहान ११ बजेतिर चुनाव प्रचारप्रसारमा प्रयोग गरिएको लु १ ज ४५९९ नम्बरको जीपको छतबाट खसेर गम्भीर घाइते भएका थापाको राप्ती प्रादेशिक अस्पताल तुलसीपुर दाङमा उपचारकै क्रममा ज्यान गएको प्रहरीले जानाएको छ।

जीपको छतबाट खस्दा थापाको टाउकोमा गम्भीर चोट लागेको र घाइते थापालाई त्यही गाडीमा राखेर उपचारका लागी दाङको तुलसीपुर ल्याइएको थियो। गाडी तुलसीपुर प्रहरीको नियन्त्रणमा रहेको छ।

नेपाली कांग्रेसको तर्फबाट वडा अध्यक्ष पदका उम्मेदवार भुपेन्द्र घर्तीमगर सहितको टोलिले उक्त जीप चुनावी प्रचारप्रसारमा प्रयोग गरेको खुल्न आएको प्रहरीले जनाएको छ।

घट्नाबारे थप अनुसन्धान भैरहेको प्रहरीको भनाइ छ।